fbpx

「第一次買枕頭,有咩要注意?」

Ryan

m

News

16/08/2022

// 先此聲明,呢一篇文唔係想 Sell 你任何嘢,我嘅目標係分享2個貼士幫你日後揀枕頭用,希望令你可以拎到啲嘢走。始終枕頭選擇眾多,揀枕頭都有好大學問。而我都算係一個枕頭傻佬,現時專注全心做好枕頭及相關產品。當然,我嘅長遠目的都想你會有機會試吓我做嘅枕頭產品……

咁買枕頭有咩要注意?

貼士 #1 枕頭質感有承托但不會太硬

枕頭質感要恰到好處,有承托但不會太硬。要瞓得好,首先枕頭要有足夠承托,可以好好承托著頭部,令頸部唔好受壓,唔好讓頸部需要發力支撐,因為咁樣會令起來時肩頸酸痛。但係枕頭亦唔應該太硬,要恰到好處,個人先瞓得好。

貼士 #2 枕頭高度要合適

第二係枕頭高度要合適,呢一點唔少人都忽略咗。物料點樣先進乜乜,如果個枕頭高度唔適合你嘅身形睡姿,枕頭過高或過矮都會令你瞓得唔好,所以先會出現明明大眾一致好評的枕頭推薦,但卻唔適合自己的情況發生。因此首先你要了解自己平日嘅「慣常睡姿」,然後基於呢一個睡姿去揀枕頭。

咁點樣搵「慣常睡姿」?如果你已經對自己睡姿有了解,咁你可以用嗰個睡姿去揀枕頭。

但如果你同我一樣,對自己睡姿唔太肯定,有個小貼士希望可以幫到你:

好多人會以為自己入睡時嘅睡姿就係自己嘅慣常睡姿,但呢一個未必正確,因為我哋瞓覺其實並唔係靜止嘅。入眠後大部份人都會輾轉反側,入睡時嘅睡姿未必係自己嘅真正睡姿。要揾到自己嘅真正睡姿,你可以試下留意自己瞓醒一刻時嘅姿勢。每朝一瞓醒,首先唔好郁住,留意自己該刻嘅睡姿。嘗試留意多幾日,最好一至兩星期,你就會揾到自己最多使用嘅「慣常睡姿」,呢一個方法會比起留意瞓入眼嗰個睡姿更準確。

有咗呢一個「慣常睡姿」後,你可以用來揀返合適自己嘅枕頭高度。枕頭嘅最大功用就係防止睡覺時頸部懸空,避免睡眠期間頸部用力而造成肌肉繃緊疼痛。所以能夠令頸部保持同頭部水平直線,就係對你嘅最佳枕頭高度。瞓覺時,無論平瞓側瞓,頸椎應該同身體形成一直線,唔應該「岳」前或者「岳」後,呢個就係最合適你嘅枕頭高度。當然,喜好習慣人人唔同,有啲人可能鍾意寧舍高/矮嘅枕頭,不過要留意返枕頭過高/過低都會導致頸部酸痛,所以枕頭高度最後都係自己鍾意嘅同時,都要令你瞓得好。

以上呢兩個貼士相信可以幫到你揀一個合適嘅枕頭。

我哋自家香港枕頭質感係自己研發,一直都有唔少人鍾意,亦一直收到好多好評,成為唔少人嘅枕頭推薦。枕頭更採用填充式設計,側面設有拉鍊可以比客人自己按需要隨時調節內芯填充份量,從而改變枕頭高度,因此唔怕喺店舖試得少少時間,導致試得唔準確而買錯太高/太矮嘅枕頭。而為咗比客人有更多自由去調整內芯物料份量,我哋仲特意「過量填充」枕頭。如果客人需要更高嘅枕頭嘅話,亦可喺購買一年內,隨時問我哋索取內芯棉補充包。所以咁就可以令你得到一個真正獨一無二,真正啱你嘅枕頭。

有興趣嘅話,不妨進一步了解我哋嘅枕頭:https://repillow.co/learn

News

第三代 Re Pillow Co. 網站

第三代 Re Pillow Co. 網站

圖:家中的貓見我多晚深夜仍不去睡,以為我想陪牠玩,攤在我桌上。其實我只是在做網站。 作為一個 IT 小子(其實只是一個中學讀電腦、喜歡科技的年輕人),我對於 repillow.co 網站要求很高,我甚至有時認為品牌名稱不認寫作 Re Pillow Co....

「網上落單,門市自取」服務

「網上落單,門市自取」服務

We wish you a Merry Christmas, We wish you a Merry Christmas… 聖誕節快到了!不論您希望與身邊摯愛浪漫聖誕,或與一大班朋友一齊歡度,相信都需要考慮一個很重要的問題:買禮物!您準備好了聖誕禮物了嗎?未準備好?或者怕選了的禮物不夠好?不用擔心,Re Pillow Co.已為您精選了禮物,而且更做了一系列措施讓您的禮物可以在這佳節成為最佳的送禮!一起來看看吧!

0