fbpx

Re Pillow 長期使用保養小貼士

枕頭推薦-枕頭牌子-枕頭選擇

Ryan

m

News

26/11/2022

早前我同一啲早期客人傾開計,發現咗一個現象,大部份客人用咗 Re Pillow 2 一段長時間,感覺無任何問題,但另外有啲客人卻感覺枕頭用耐咗會少少瞓實咗。

雖然暫時市面上嘅枕頭(例如木棉花枕頭、記憶枕等)都未做到永遠唔扁,而大家都知我哋係隨時可提供補充包,添棉換棉,但我自己卻覺得呢個情況值得深究。

我想知點解同一個枕頭,唔同人嘅體驗會唔同,了解到成因可以令我繼續改善同進步,我想有一日大眾唔係問:「Re pillow 好唔好用?」,而係可以好肯定咁講:「Re pillow 真係好好用!」。其實我自己都係用緊 Re Pillow 2,用咗1.5年,雖然我亦都無呢個「瞓實咗」問題,但我知如果再多啲人用,每一個人嘅情況都唔同。我會需要尋根究底,日後產品才會越做越好,成為大家心目中嘅枕頭推薦。

經過一番研究之後,我終於搵到點解有啲人「瞓耐咗個枕頭會變實」,但其他人就唔會,亦都有一個小貼士可以解決問題。

Re Pillow枕頭變實原因:

由於香港氣候潮濕,加上由於人體嘅溫度較高(約37°C),而枕頭內芯物料嘅溫度卻係室溫(廿幾°C),因此喺睡眠時,枕頭內芯每條纖維有機會因溫差而形成了肉眼睇唔到嘅水珠,原理如同喺雪櫃拎凍飲出嚟會起水珠一樣。如果家居較潮濕亦唔多陽光,或是個人比較大汗/睡眠時較熱,都會容易令到濕氣喺纖維表面形成。長遠而言,枕頭內芯棉料會因為纖維上的水珠而粘住咗,所以纖維會互相痴住,無法獨立分開令枕頭保持鬆軟有彈性。雖然肉眼不能看見,但客人會感覺到纖維唔再如同往日一樣蓬鬆。

由於有啲人本身瞓覺好熱,有啲人個人比較涼爽,加上家居多唔多陽光照到睡房同潮濕程度都唔同,變咗可能有啲人會受影響,有啲人就用好耐都冇事。

如果你受影響,唔需要擔心! 解決方法都非常簡單而且有效:

將Re Pillow枕頭成個放入乾衣機烘乾。呢個做法係讓熱力使枕頭內芯纖維上嘅微細水滴蒸發,從而令纖維唔再粘住痴住,令枕頭可以回復原來蓬鬆感。由於我屋企無乾衣機,於是去咗街邊乾衣鋪做測試。以40分鐘,中火力去烘乾, 如果冇得教火力都唔緊要,可以照用。烘乾之後, 應該枕頭感覺會更蓬鬆。 我自己雖然冇「瞓實咗」問題,但係烘乾完之後都真係感覺再好咗。

以上嘅方法文字版我亦已上傳到 https://support.repillow.co 「3 枕頭長期使用的保養方法」一欄, 如有任何問題,亦可以隨時聯絡我們協助!請 FB/ IG message我哋,或電郵:support@repillow.co

呢條片可能有啲悶,尤其可能對於大部份冇受影響嘅人會覺得唔知我喺度做咩,其實講咁多都係想幫到大家,因為我哋係 Re Pillow Co.,真心想做好香港枕頭,做好每件事,不斷進步。

順帶一提,如果想睇多啲關於我哋每日嘅工作,我每星期都會寫一篇週記,講吓嗰個星期嘅工作、趣事、喜與樂、患得患失之事,如果大家對香港品牌奮鬥史有興趣的話,可以睇睇:https://repillow.co/blogs/weekly

News

第三代 Re Pillow Co. 網站

第三代 Re Pillow Co. 網站

圖:家中的貓見我多晚深夜仍不去睡,以為我想陪牠玩,攤在我桌上。其實我只是在做網站。 作為一個 IT 小子(其實只是一個中學讀電腦、喜歡科技的年輕人),我對於 repillow.co 網站要求很高,我甚至有時認為品牌名稱不認寫作 Re Pillow Co....

「網上落單,門市自取」服務

「網上落單,門市自取」服務

We wish you a Merry Christmas, We wish you a Merry Christmas… 聖誕節快到了!不論您希望與身邊摯愛浪漫聖誕,或與一大班朋友一齊歡度,相信都需要考慮一個很重要的問題:買禮物!您準備好了聖誕禮物了嗎?未準備好?或者怕選了的禮物不夠好?不用擔心,Re Pillow Co.已為您精選了禮物,而且更做了一系列措施讓您的禮物可以在這佳節成為最佳的送禮!一起來看看吧!

0