fbpx

#014(04/09/2022)

Ryan

m

Re Pillow Co. 週記

04/09/2022

(圖:今個星期有日一早健身後,用隨身小電腦工作一會再回公司。這電腦其它人說很舊了,人人都說它邊框很粗,灰色 Keyboard 發黃,但我最喜歡就是它)

大家好,歡迎來到一週週記。我是係 Ryan,繼續由我寫週記。今個星期一朝早我已經收到一個極壞嘅消息,係我暫時做 Re Pillow 遇過最棘手,最麻煩嘅事,喺未解決之前我實在唔能夠講太多,但請放心,呢件事去到現時我亦只能交比律師去處理。事件亦都同產品、品牌,我哋做嘅嘢無關。

慢慢開始踏上呢條想做好床上用品,建立一個小小嘅世界去做自己都想用嘅產品時,我覺得原來要做好一件產品真係唔只係要做好產品,原來仲有好多好多事情要處理。

細如要用最有限成本租到最方便客人地點嘅舖頭,去到要識得保障自己嘅發明,唔好咁易相信其他人,所有條款大家要白紙黑字寫清楚搵人見證…… You can feel I am in a lot of pain right now。But I promise you and I know I will come back stronger. 我好相信一切事情都有佢發生嘅原因同意義,所有事情只要你願意用一個「勇於成長」嘅心去面對,佢哋都會係一個個令你可以做得更好嘅機會。

想講多幾點

1. Re Pillowcase mini

今個星期我哋已做好 Re Pillowcase mini,係專比 Re Pillow 2 mini 用嘅枕頭袋,即將推出,咁 mini 都可以有枕頭袋喇~ 應該下星期出。喺推出前我會在FB/IG 開 post 講講。因為之前都有唔少 mini 用家問過想要通知,可能都會 email 比買過 mini 嘅客人同佢哋講有得賣。其實本來再早一兩星期已經做好,但係個燙斗有個零件壞咗(係,我哋用緊啲商用燙斗,壞咗唔係好似屋企咁買過個,而係訂零件,自己整返好佢),因為無咗燙斗,所以燙唔到,無理由有皺褶咁嫁嘛,所以只好等返有零件整好先,燙好先推出。

2. 小公司的難處

最近越來越見到,作為蚊型公司,我哋可以犯錯嘅資源比起其他大公司細好多,犯一個小錯可能即時令我哋休克,甚至一個唔小心就致命救唔返。呢個係好認真嘅 topic,認真唔係求其講。或者呢個就係其他人講點解大集團「壟斷」嘅其中一個原因吧。加上,之所以係細嘅公司,經驗一定比起大企業少,人才同營商智慧亦會差啲,確實真係唔容易。我覺得我哋算係幸運,有好多客人會用過我哋產品之後都自發推薦朋友家人,其實幫助我哋好多,呢啲其實我哋係知道的,畢竟自己廣告推廣上有幾少,我哋自己都知,靠嘅,好多都係口碑。我知我都覺過好多次,但喺度,亦真係再次多謝大家支持

3. Project A

Project A (可見:https://repillow.co/blogs/weekly/011-14-08-2022 第六點講緊嗰個 Project)亦有突破性發展,應該希望最快半年後(2023年初)可面世,呢個係一個全新嘅計劃,一個我哋從來未做過嘅事。我明白老老實實咩 details 都無確實好難討論,但我相信呢件事會係一件對於 Re Pillow Co. 歷史入面一個好重要嘅事件。Re Pillow Co. 過去兩年我諗要數最重大嘅事情就係:Re Pillow 2 推出。呢個 Re Pillow 2 改變咗本來就快想放棄做枕頭嘅我。Project A 我相信都會係一個重大事件,明年之前,我會逐漸透露的。

下星期你閱讀週記嘅時候,Re Pillowcase mini 應該已推出了(希望啦)。到時再寫。

下星期亦有可能公佈一個新零售點。呢個,將會係 Re Pillow Co. 繼沙田一田以及太古城體驗館後,第三個門市零售點。

最新週記

0