fbpx

#016 新一代 Re Pillow 幾時出?(18/09/2022)

Ryan

m

Re Pillow Co. 週記

18/09/2022

如果比較仔細嘅客人會留意到,初代嘅 Re Pillow 係於 2020 年10月推出,而 Re Pillow 2 枕頭就於2021年8月推出,兩者相隔大概一年。依家係 2022年9月,如此:Re Pillow 3 會否即將推出?

今個星期週記就一於講一講 Re Pillow 3。確實,於今年年初時,我亦係諗緊第三代 Re Pillow 大概於 9/10月左右推出,亦符合我哋 Re Pillow 與 Re Pillow 2 之間相隔大概一年嘅週期。但係,好快我就放低咗呢個念頭,主要原因有3個:

  1. 不用做新一代,將重要改進盡快直接放入 Re Pillow 2 ,使用家及早受惠:與其一年一update(即:2021年8月 Re Pillow 2 開售第一日以及未來 Re Pillow 2 發售最後一日會是一模一樣的產品),我決定每當有新的產品改進微調,並且內部測試後,即盡快將這些更新放入產品內,產品大致外型未必看得到分別,但內裏卻有改善。 Re Pillow 2 推出一年,現時已是第三個版本。我們於今年1月改善過外面布料使其更柔軟舒適,亦將拉鍊頭改成更易握的款式、方便使用。在今年6月中,我們亦改善了內芯物料的彈性和耐用程度,新版本會比起之前嘅,久經使用後會更加有回彈力,瞓耐咗亦更難會變實。其實本身 Re Pillow 2 喺呢方面已經好過其他填充式枕頭(或統稱「棉花枕頭」),現時可以話係精益求精。呢個其實係內裏棉料纖維科學嘅進步。我哋就係想成為呢方面專家。因此,其實現時嘅 Re Pillow 2(以及 mini 與 XL,都係同步更新)其實可以話係 Re Pillow 2.5。咁樣,用家可以唔洗等新一代,都可以用到我哋最好嘅研究同設計。我哋會不斷更新,永遠都唔會特登收埋啲功能,特登留返下代先出,賣出嚟嘅產品,會係我哋可以做到嘅最好。
  2. 全球供應鍊緊張,通漲問題嚴重:另一個我哋暫時唔想在現時推出新一代 Re Pillow 3 嘅原因係因為全球嘅經濟問題。可能有留意國際新聞嘅朋友都了解,近來全球供應鍊好緊張,歐洲嘅能源價格同埋通脹非常厲害,呢件事情係影響到我哋好幾樣原材料供應。如果現時要推出全新嘅產品,成本會比平常高很多。而最後增添出嚟嘅成本要由消費者承受,我覺得情況唔理想。因為嗰個分別好大,可能比較好嘅做法係先等待歐洲嗰邊局勢穩定,先再去實行新產品嘅事。喺現時經濟唔係特別明朗嘅時候,如果我哋自己嘅產品因為成本問題要大幅加價,其實亦都未必能夠合適香港市場環境。因為我相信品牌最後都係需要同自己嘅客人負責,如果做錯決定,不理成本,要要客人來承受,實在講唔過去。
  3. 多留時間研究,做得更好:呢點應該唔洗解釋了,但事實嚟的。唔好急,做好佢先推出。其實 Re Pillow 2 係比初代有大改進,因此我都對於 Re Pillow 3 有頗大期望,希望佢都可以有頗大進步,對得住 Re Pillow 3 個名字。

以上就係關於 Re Pillow 嘅 Update 了。

另外,今個星期我哋亦喺枕頭說明書加了影片教學,教大家如何喺調節枕頭/久用枕頭後搖勻枕頭,都想喺度 Update 下!相信會有幫助。

最新週記

0