fbpx

#020 愉快的一週+期待下週新的嘗試!(16/10/2022)

Ryan

m

Re Pillow Co. 週記

16/10/2022

又來到本週週記,今個星期我哋都有好幾件事發生,一於開始逐一講:

暫停刺繡服務

喺太古城嘅舖頭入邊有一部刺繡用嘅繡花機,係幫客人可以刺繡自己或者身邊嘅人嘅名落去枕頭袋度,呢個係我哋由6月開始有嘅一個小小實驗性質嘅服務。近日,繡花機決定都要休息了,突然有日壞咗。由於收費實在太平(手工費 $20)加上失敗率非常高, 因此再考慮之後決定趁着部機壞咗,也係時候暫停刺繡服務。可能等到時機適合,技術純熟之後,我哋再有機會重推吧。

大專生訪問

另外,今個星期有幸得到中大專業進修學院幾位同學邀請進行訪問, 佢哋都好有備而來,準備咗唔同嘅問題問我。其實我覺得自己係一個好幸運嘅人,我都同佢哋都係咁講。有時可能你睇到人哋嘅成績,有好多人會覺得呢啲成績全部都係自己一手努力打返嚟,但我自己唔係咁睇。我覺得其實今日 Re Pillow 可能有少少人欣賞同埋支持,其實我覺得都係我幸運而已。我係一個好平庸嘅人,只係做一啲自己鍾意嘅產品而已。不過,喺自己位置我一定會盡能力去做好自己手頭上嘅事, 唔敢講太多咩大嘅目標咩夢想, 只係做好自己。

第三間門市

今個星期我哋亦都新增咗第三間門市, 就係黃埔AEON百貨!除咗網上購買之後,Re Pillow 2 一直以來都只係喺沙田一田百貨貨架以及太古城體驗館有售, 經過幾個月嘅商討同埋安排,今個星期我們正式喺黃埔AEON百貨上架。黃埔AEON百貨同沙田一田百貨一樣都只係放喺貨架寄賣, 並不是自己嘅舖頭,亦都冇職員駐守,不過我已經好感恩了。我會出返個 Blog Post 寫返清楚位置等等詳情。

供應恢復穩定

我哋今個禮拜亦已出晒要出嘅貨,現時供應慢慢恢復正常,有興趣可以落單購買。

期待下週

最後,嚟緊一個星期都有啲新嘅嘗試!但暫時唔講咁多先,下星期週記再見。

最新週記

0