fbpx

#027 新店裝修進度、聖誕節主題網頁、神秘小計劃(04/12/2022)

Ryan

m

Re Pillow Co. 週記

04/12/2022

歡迎大家嚟到本週記! 今個星期我自己睇返一啲舊嘅記,發現自己寫嘢都幾悶。所以今次我就簡單咁講就可以了。

第一件就係新店嘅事,今個星期都有去睇睇裝修進度,現時進度良好,大家可以睇到最上面張相,都7788,因此應該可按12月中可開幕,沒有問題。感激師傅都好好,所有事情處理妥當。新店比以往太古嘅大好多,亦位處方便易達地段,希望可以圍到成本就好。

下一件事係關於新Website主題。如果你一直有留意開,就知道我哋網站一直係用白色底加藍色做網站主題,對上一次用黑色主題應該真係2020年時候了。不過由於我貪玩,所以今個星期特登整咗個黑色主題特別版!用午夜深灰藍配金色掣,再加上一啲雪花,幫個網站帶嚟一啲聖誕氣氛。其實成件事就好無厘頭同無聊嘅,不過最緊要開心啦!我自己就整得好開心,你都要開心喎!

最後一件事就係短期內的小計劃預告:聖誕節咁開心,我哋都有少少計劃嘅!應該依幾個星期會公開了。到時希望你都會參加!

最新週記

0