（回帶）Re Pillow Co. 開初的中文名

（Re Pillow Co. 本身有中文名）可能有啲留意左比較耐嘅朋友知道，初代 Re Pillow 本來係我整俾自己用嘅枕頭，喺 2020年10月因為朋友鼓勵之下推出市面。

今日心血來潮，趁臨近兩周年，搵返啲舊嘅相嚟睇吓，先醒起當年曾經自己諗住為 Re Pillow Co. 改個中文名，叫做「創床廠」

係，我都知個名懶係食字，好低B！

不過當時諗每個字都有意思：「創」代表創新，「床」代表我哋做床上用品，「廠」代表我哋係一間工廠。

幫手笑下啦… 當時諗咗好耐嫁。

最近工作實在好忙碌（仲有部份訂單未出，門市仍斷貨），好似好耐冇同大家分享事情，所以想趁兩週年同大家分享吓一啲 Re Pillow Co. 開始嘅小趣事。

如果幸運嘅話，你會喺網站頂頭見到呢個「創床廠」logo！期間限定嫁咋！