感謝 ViuTV 訪問我們

（第一次上電視）早前有幸獲得 ViuTV 邀請，訪問我哋做枕頭嘅事，但早幾日朝早播出時我哋工作甚忙，因此忘記同大家預先講講，但唔緊要，大家可以隨時喺電視台網站重溫返。

感謝主持 @mcsylviawong 嘅邀請，亦多謝 ViuTV 讓我哋蚊型公司都有機會上電視。呢個短短10分鐘嘅節目主要講述我哋嘅枕頭設計理念、製作過程，亦都有講講如何挑選枕頭咁。主持亦都好用心同專業，好識得點樣舖排個環節，令到本身講嘢好悶嘅我，喺佢幫忙下，出嚟嘅效果至少無咁悶（少少啦），實在好感激。

大家有興趣可以隨時網上重溫當日節目，如果無登記 ViuTV 會員嘅話，則只有數日可以重溫，不過即使錯過咗，亦可免費登記 ViuTV 會員，就可以無限期隨時重溫。

18/07/2022 智富通第587集《時尚·傢》環節（環節時段：20:20-31:40，長約10分鐘）https://viu.tv/encore/invest-smarter-2020/invest-smarter-2020e58720220718