探訪 Avery Kung

認識 Avery （圖左）是在2022年中，當時我留意到有位客人叫「Avery Kung」，每隔一排就會網上落單買兩個枕頭，有段時間，每隔一排就會又見到「Avery Kung」落單，公司流傳一句說話：「又係 Avery Kung！」🤣🤣

於是有日我好奇 check下佢電郵，係 @mobilizephysio.com ，即係應為物理治療師，呀！估唔到有物理治療師會咁欣賞我枕頭，我估佢應該係買來比佢嘅 clients 用吧。後來傾開才知道原來佢和太太有買枕頭問題，買咗市面上好多枕頭，甚至幾千蚊某大牌子枕頭都試過都唔work，後尾試咗我哋枕頭之後覺得非常好，解決佢哋一直以來嘅枕頭問題，因此就亦都買 Re Pillow 來比佢哋嘅客人去使用，就此大家認識咗。

最近經濟一般，各行各業都需謀求出路。因此今日我去咗 Avery Kung 嘅物理治療中心拜訪佢，大家圍爐取暖。喺我喺中心嘅短短幾個鐘，見到 Avery Kung 佢本人真係好用心對待每一個客人。有時好似你去睇西醫，有啲醫生你入到去，眼神都唔同你接觸，只係好標準咁樣問你幾個問題，一尾喺紙度寫寫寫，唔夠2分鐘就踢返你出房；但相反有啲醫生真係會俾你感覺上佢會仔細聽你講嘅嘢，眼神有接觸，而且你有嘅問題佢會好詳細咁解答，Avery Kung 比我嘅感覺就係後者。

其實耐唔耐我哋都會見到一啲客人本身可能有肩頸痛嘅問題，因此就過來試我哋嘅枕頭。既然係咁，我哋諗緊不如搵一晚請 Avery Kung 和佢中心另一位物理治療師 Will Lam（圖右）來我哋門市講一個免費、實用嘅健康講座，可能係都市人常見痛症同埋一啲家居可以做嘅肌肉舒緩運動等等，可以喺收舖後進行，我諗可能亦會有 Q&A 環節，大家如果有任何自己嘅問題，亦可以即場發問得到一啲專業解答。等我之後試吓先。

PS. Avery Kung 嘅中心叫 Mobilize Physiotherapy，係佢自己開嘅，地址在旺角。我雖然自己沒有需要，但佢真係好有心做，如果有需要，可以去睇睇。