1000份的信任

喺大概2年前，由於我自己瞓得唔好，於是我就開始自己研究枕頭，呢件事喺網站（https://repillow.co/about）有寫，亦都相信好多人都知，就唔再喺度講。

可能較少人知道嘅係，喺唔係好耐之前，當時枕頭幾星期會賣到一兩個，嗰陣每個星期六朝早我會返工廠，做枕頭，包裝枕頭，然後寄出，或者我會親自送貨，呢啲回憶仍然歷歷在目。

後來越來越多人朋友推薦朋友，開始更多人購買，因此我都好努力貼住大家嘅需求，做貨出貨，有晒系統，全部收到單就即刻出，到到近日賣出1000個呢件事，好似已超越咗開初「我為自己做一個枕頭，然後應朋友要求，做多一兩個比朋友」嘅規模，亦都坦白講係我意料之外，我完全冇諗過會咁樣。當然，對於市面上其他大枕頭公司、大企業，我哋呢啲1000個微不足道。但係對於我嚟講，意義重大。因此，好想藉此多謝大家，多謝大家嘅信任同支持。老實講，市面上咁多枕頭牌子，其實真係冇需要揀一個無名小子自己研究嘅枕頭，所以購買我嘅枕頭嘅你，其實真係非常難得，多謝你。

亦謹祝大家新年快樂，身體健康。

Ryan

書於2022年1月1日