Re Pillow Co. 正式進駐大西北

[Re Pillow Co. 正式進駐大西北❕]

由即日起喺屯門AEON床品部都有 Re Pillow 2 現貨售賣，各位屯門牛就唔洗長途跋涉去到尖沙咀同太古都可以買到喇 🥳🥳

雖然好多人嫌屯門遠同偏僻，但屯門寧靜優美、風景怡人，物價都 (比較)親民，筆者作為屯門牛都好鐘意屯門。今日就介紹幾個喺屯門好地方比大家，尤其係未嚟過嘅你。

👍🏻 浩和街

浩和街係較新嘅熱門景點，位置遙望大嶼山及屯赤隧道一帶，飽覽自然風景，天氣好嘅時候更加係風光如畫。一大片嘅草地種滿一排棕櫚樹，除咗可以野餐之外，仲可以沿海堤壩散步，睇埋日落。唯交通極唔方便，需要搭K52巴士再行25分鐘先到，自己揸車/踩單車會好啲。另外由於附近冇餐廳，建議買完嘢食（eg 喺龍門居）先帶入去。

👍🏻 屯門碼頭海濱長廊

全長2公里的海濱長廊有好開揚嘅海景，好多屯碼一帶嘅居民閒餘時就喺度散步同埋跑步。寧靜嘅環境好適合放鬆同埋思考人生（筆者中學嗰陣都試過坐喺度思考人生lol）。而近年亦都因為電影《幻愛》而大受歡迎，喺長廊嘅盡頭更被譽為「幻愛橋」，至今名氣不減。

Bonus 1: 搭輕鐵🫢

好多人一生都冇入過屯門超過5次，可能都未試過搭輕鐵。輕鐵勝在速度唔快，可以沿途欣賞屯門半城市化嘅風景，《幻愛》同埋 YouTube channel 試當真某啲片都有喺輕鐵站取景！非大西北人可以試吓搭一次，打卡同朋友講我今日搭咗輕鐵 😎

Bonus 2: 屯門戲院🫢

講起屯門戲院，非屯門人可能淨係識巴XX😂，但其實屯市一帶有4間戲院（巴XX、凱X、SXXXX、英X）❕喺屯門睇戲都比較平，巴X同凱X會平啲，SXXXX同英X會坐得舒服啲。

📍瀏覽所有門市資訊：https://repillow.co/locations
📦瀏覽各處供應情況：https://repillow.co/stock