（深夜長文）全新 Re Fresh 香水正式推出

（深夜長文）全新、實驗性嘅 Re Fresh 香水計劃正式登場！

Re Pillow Co. 一直都只係製作床上用品，點解會無啦啦做香水？

因為我想試試透過香水做一個新嘗試。

喺香港以至世界，其實每日都發生好多問題：氣候變化、貧窮國家兒童問題、貓狗遭虐待遺棄…… 相信大家都唔陌生。隨著社會進步，社會問題似有改善，但問題一個接一個，並非咁易解決。

面對種種社會民生問題，以往常見嘅解決方法都係嚟自公民嘅自發捐款，但捐款實在講求要一個人要好有善心先會主動做，而捐款者亦無咩好實質得著（即使是義賣嘅捐款同捐款人嘅收穫都唔太對等），效果確實唔理想。

左諗右諗，我想透過 Re Pillow Co. 去嘗試做一件事：

我想做一件0%利潤產品，扣除成本後，所有收益均捐出予有需要嘅機構。Re Fresh 香水的產品介紹頁詳細列明各項成本同捐款，公開透明。

亦即，我唔會蝕錢，但我亦唔會賺錢。

同一般捐款模式不同之處係：消費者會以一個市價去購買呢啲產品，所付出嘅價錢會同收穫對等，唯獨店舖（我）會捐出你俾嘅錢。因此，消費者唔需要額外成本，只係如常消費即可做到有意義嘅事。

至於點解挑選香水？首先係因為佢嘅利潤較高，可以有更多錢捐出，而且我有一位好朋友係專業調香師，可以用較低嘅價錢做到專業水準嘅自調香水。另一原因係因為香水係消耗品，亦係送禮佳品，我希望 Re Fresh 香水嘅概念可以透過送禮，人傳人推廣出去，用完可以回購，或向別人推薦香港香水時會記起 Re Fresh 香水，讓計劃可持續，幫到更多人。

如果 Re Fresh 香水計劃受歡迎嘅話，呢種模式或者會係其中一個解決社會問題嘅可行方法，將來我哋亦可以試試喺維持到營運的情況下，套用呢個模式喺其他新產品上；又或者一啲大公司見到個可行性，亦會參考用喺佢哋產品上，受益嘅都會係大家。

Re Fresh 香水嘅詳細介紹可在產品頁面睇到，有齊男士香水、女士香水及中性香水，篇幅所限，在此不贅。尖沙咀 iSQUARE 及太古城門市明日起（8/2/2023）亦會有陳列，大家亦可到訪試試和選購。

了解 Re Fresh 香水計劃詳情及支持：https://repillow.co/fresh