#219 Poor Charlie's Almanack（16/08/2026）

今個星期同嚟緊下星期相信將會較忙，本身上個星期初時，喺度做緊一啲 Software Development 嘅嘢，係比嚟緊同雅芳婷合作的一啲 project 做嘅 software，然後去到星期三打後，呢幾日就忙另一樣嘢，因為有重要產品update，下個星期大家就會知道。亦都相信下個星期都需要繼續會比較忙。因此今日不如講吓睇書。有一本書我其實買咗有五六年，曾經試過睇過幾次，但中途都放棄咗，因為本書當時對我嚟講實在太長太深，但去到最近覺得都想試吓睇。重新拎返起。本書就係 Poor Charlie's Almanack，可能好多人都識呢本書，佢絕對已經係經典亦都我諗喺 self-help 書入面，係其中一本經典。認認真真睇咗本書 25%，未睇哂因此未可寫到咩心得住，但暫時初段係睇到好多佢嘅一啲「做事心法」 。「心法」依個字係我伯父教我，佢話做嘢有分「方法」同埋「心法」兩種。方法係你實際個人點做件事，心法係你做事背後嘅原則理論（有少少令我諗起 Ray Dalio 本 Principles，亦係一本好書，都係講心法） 。暫時只係睇咗一部份，但已覺受用。其實入面好多概念係好基本，但係係好真實有用的。例如如何處理人際關係，點樣去活出長遠而平穩安然嘅人生，如何避免不幸臨到自己身上...... eg 佢提到當佢借人車時，一定會入滿油比返人，看似係講緊借車，但依個已經有佢嘅含意喺入面。另外佢講佢好重視睇到入去事情最後嘅本質同入面嘅背後運作原理同價值，不跟風不睇人哋點睇，亦係有大智慧。所以因為依個有自己一套睇事情嘅本質而唔係睇人點睇去 by inferrence 決定自己點做決定，係令到佢可以活出唔同嘅人生同有自己嘅做法，亦係為何佢可以喺人生好多人認為係成功嘅原因。

今個星期依幾日好忙，下星期再寫長啲。