#229 商場上的「分手」（下）（25/10/2026）

圖：地圖床單就嚟出。

最近變動較多，如果大家有留意的話，在今年7月一篇週記 （https://repillow.co/blogs/weekly/216-%E5%95%86%E5%A0%B4%E4%B8%8A%E7%9A%84-%E5%88%86%E6%89%8B-26-07-2026）， 我曾經提及關於商場上的分手，我們與一個曾經緊密有合作關系的合作夥伴減少合作，而轉去雅芳婷度做去一同做，原因係其實以往有一啲問題，舊合作夥伴一直無法解決得到，依件事嚟到話咁快就10月，開始會陸陸續續會見到成品會出世，依件事情其實真係有啲峯迴路轉，由開初非常覺得嘩好好啦，滿腦亦對未來好有幻想，嚟到10月確實當中亦都又遇到唔同嘅問題困難，原來真係同拍拖一樣，可能那個她/他一開頭某某原因很吸引，感覺比起之前嗰個更好，卻原來其實發現不同人磨合都會有啲時間。依個唔係話佢唔好，佢比你上一個喺某個範疇係絕對好咗，但原來真係佢亦都有另一個範疇係令到你未必係咁鍾意，亦都甚至可能令到你覺得原來之前有少少或者對上一個語氣重咗 。當然如同人生一樣，好多嘢冇辦法再返轉頭，但係過程中都令到我學識咗啲嘢 。我開始明白有時我見啲 Uncle，佢哋所謂「處變不驚」，見到好事發生個人又係無咩表情，有啲突發問題出現又係好似無咩表情，原來就係咁嚟。

我必須澄清以上唔係話雅芳婷唔好，我需要係好多謝佢而其實佢比起我哋之前嘅合作夥伴，因為規模、技術、設備級數、管理團隊的原因，係會幫助我哋嚟緊做出來嘅產品係明顯會比起之前優勝，而且水準會亦都更穩定（例如摩登絲 ULTRA FINE （Gen. 2），依種質素、依種物料，係我哋做唔到），只係例如可能佢哋大公司有佢哋大公司嘅規矩，有時唔係話可以好似以前咁靈活，亦係需要磨合。自從同雅芳婷公開合作後，曾經有啲客同我講，佢一直都覺得雅芳婷一般嘅牌子啫無咩特別，但卻用落摩登絲發現好好，係其實就真係如此。當然亦有更多客係本身係摩登絲嘅Fans，佢哋一早已知摩登絲有幾好。

另外，最近公司有一位很近身協助我嘅同事因為身體健康原因而離職，現時依段時間因此只能自己做多一啲，人生無常。大家要且行且珍惜。