話說今個星期收到客人通知，有騙徒冒充為順豐速遞員工/ 我哋 Re Pillow Co. 同事，致電客人訛稱包裹在運送途中受損，或者產品出現品質問題，需要安排賠償比客，誘騙個客WhatsApp某一電話號碼，一步一步引導進行一系列嘅操作，包括提供個人資料，將騙徒的銀行戶口加入可信任收款人，轉數給騙徒以驗證身份等等 。當然以上一切都係假，但收到依啲情況當然第一時間係 double down 自己嘅 security（後來發現應該不關我哋事），而事實上我都幾慶幸自己本身或者好似好多男仔一樣，本身由小學起已對IT實在好有興趣，自學 programming 同砌機、改Windows等等（以前嗰個年代比依家多好多嘢玩），因此本身喺 cyber security 上係一直都做得較為足（雖然依個年代，喺外國大家睇新聞或者都知，有啲人係專做 AI Led 嘅 Cyber Attack，由 AI 全天候廿四小時去搵漏洞，更勁嘅大公司都比 attack 到），但當然一定安全一定要做足功夫的。
因此今個星期就更加 tighten 自己用緊嘅 software、再 review 哂所有 security 嘅相關位置同 settings，改良啲 API 對接方法，authentication 方式等，雖然最後很有可能其實問題並非係來自我哋到而係嚟自順豐，但經過以上經歷，去改善自己嘅網絡同數據安全，其實係亦都係一件好事嚟，因為安全啲再保障大啲再多幾重驗證一定係比之前好，而作為我哋依啲小公司，其實好多人做生意都或有忽略，但依啲嘢係要做得好先至會有個好嘅基礎去下一步。人有一個tendency常常都想要嗰樣嘢但唔能付出為嗰樣嘢要付出嘅代價。e.g.中小企想話做大，但佢嘅管理佢嘅產品佢嘅同事佢嘅cybersecurity係根本去唔到，或相反一個人想話要又大又地點方便又海景嘅屋苑但卻沒有比出相應嘅價錢，或想又纖體又有一身精鍊肌肉但又想要食炸雞 Pizza。每一件事有佢嘅代價，係要自己搵自己願意付出幾多。
於我而言，我好少講但我亦為此付出了我嘅代價。但我亦都唔想講嗰啲咩創業咩辛酸咩咩咩嘅說話，我有時見有啲公司係會用依啲嘢賣慘，老老實實無人揸住支槍要你做，自己揀嘅路亦係有出糧，唔好講啲咩，覺得咁辛苦可以執咗佢唔做。因此我唔係好同意依種嘅少少搏支持嘅方法。我信嘅係，我做好件事，若係幫到人解決問題，亦係做得好嘅，不論你係大公司定小公司，創業定老牌，做得好嘅人就係做得好，大家明買明賣，因此我亦係用依個方法做事，我係想真正做好件事，用一個清晰嘅價錢比大家好過出面嘅產品，解決問題，大家用過嘅就會明白，因為我信咁樣，先至係長遠可以長久，有回頭客和長遠。
今次客人收到詐騙電話，更冒充我哋職員，或者都係另類證明我們進入主流？
#227 待人的藝術（11/10/2026）