#001（5/6/2022）

最近我發現自己一直買開嘅一個Tee牌子啲衫質素好似轉差咗，變得明顯簿咗同埋感覺質地差咗。當我發現時其實真係失望，因為我一直都好喜歡呢一個牌子嘅Tee。我好想佢地可以做返好佢，我都唔想放棄佢。我好想呢個唔係事實。

我諗你都或者遇過，自己鍾意嘅牌子令自己失望嘅經歷。

我知道所有嘅公司，當規模愈大，其實要Keep到產品質素係更加難。呢個令我諗起 Re Pillow Co. (下稱RPC) 都其實同樣要慎防呢啲同樣情況。RPC要保持品質，唔單止係咁，應該係愈做愈好，品質以致整個購物體驗應該愈做愈好，等到其他人每次買嘢，都feel到，咦，今次個盒入面又多咗啲XXX喎，咦，今次個產品摸上手又好咗喎！etc etc。

Surprise them every single time.

講返本周update。

本周我哋試用緊新速遞合作特快送貨，我哋由上年8月現貨送貨需要約36-48小時（由速遞員向我哋收貨計到送到客手上），到今年初月送貨需要約24小時，到到呢幾日做到有啲單可以12小時。

本周亦係刺繡枕頭袋開始嘅日子，刺到嘅朋友都反應好好，但可改善嘅係我哋procedure上欠缺standardisation，有時比較易手忙腳亂。明知係需要，但我自己亦好忙做唔到呢件事，好在門市同事已開始著手做緊，所以我成日覺得真係真到佢哋好幸福（真的，問佢哋就知，佢哋幫咗我好多，尤其上個月我近學校考試，但又有「缺盒事件」（我哋欠紙盒供應近一個月），係佢哋幫咗我好多）。暫時似乎唔係太多人來刺繡，當然好多原因，但其一係可能宣傳唔夠。

本周亦係呢一種周記形式第一周。未來亦都會繼續。

Ryan