#022 Re Pillow Co. X Karen（30/10/2022）

歡迎大家嚟到新一週嘅週記，又由我同大家講講今個星期嘅 update！

今個星期最大嘅 update 係我哋與 Karen 嘅合作正式公開～ 其實呢個亦係上兩篇週記（#020、#021）我哋講緊期待中嘅「秘密計劃」所以今個星期週記我哋就寫下一啲背後嘅點滴，同埋相信好多人有興趣知嘅資訊啦！

呢攝相係 10月16日星期日，我哋聯同 Karen 同攝影師一齊影的，我哋拍咗一個下午就完成了～雖則如此，過程當中我哋都好開心，亦都好慶幸請到 Karen 與我哋合作。以下係我收集咗唔同朋友對今次 shooting 嘅問題，一次過喺週記呢度答：

Q：喺邊度影嫁？個地點好靚。

A：喺 Karen 個 IG Post 都見到有人問係邊度，其實係愉景灣嚟～ 其實開頭呢個 shooting 有諗過係喺市區做，可能 studio 有張床嘅 set up就算，但我一路搵緊地點時就一路諗，既然呢次係一個好特別 shooting，我哋又請到 Karen 嚟，不如再做好啲，於是就租得愉景灣嘅一個合適嘅單位可進行拍攝。亦藉此機會感謝業主容許我哋在此拍攝。

Q：點解唔拍埋片？想聽 Karen 講嘢。

A：因為開頭我哋邀請 Karen 時只係諗影相，真係無諗到會可以請佢拍片，依家睇返轉頭先覺得係喎！其實當初可以問吓 Karen 會否可以拍片。不過現時已拍咗攝相，我哋暫時亦未有打算拍片。不過，如果日後有合適機會，係絕對可以的。

Q：啲相有幾多張？ 我想睇多啲！

A：我哋同 Karen 影嘅相有約10張，現時喺 Facebook 同 Instagram 我哋放咗4張，Karen 自己 Instagram @karenyeahhhh 內有多少少，其餘嘅相就放咗喺我哋網站各頁面，歡迎大家嚟睇～

Q：點解搵 Karen？網上有好多唔同嘅 model/ KOL/ 明星，點解唔搵佢哋？

A：因為我哋本來已好欣賞 Karen，一直希望可與 Karen 合作。難得有機會，本身亦要請人拍攝代言，因此想藉此支持 Karen。

最後，如果想了解多啲 Karen 可以去：https://instagram.com/karenyeahhh

亦可以睇睇佢嘅 YouTube：https://youtube.com/channel/UCUEJok-GiWaGlv5nIPwk-GQ

相片亦已放在網站各處，大家可以在網站睇睇～

今個星期週記寫到呢度，多謝大家閱讀及支持。