#025 未來（20/11/2022）

今個星期週記想講講一個可能感覺上虛啲嘅題目 — 未來。

喺過去一個星期，我行開咗一排，花咗啲時間靜落嚟去計劃長遠一啲，未來發展嘅事。

其實儘管自5月畢業以後，我全職投入 Re Pillow，但我不諳營運生意之道，以致終日勞碌，公司卻苦無進賬。我與一眾打工仔一樣，返工放工放工返屋企再做陣瞓覺第朝再嚟過。我猶如身陷泥沼，縱然掙扎至力竭，額上汗如雨下，氣力卻花在足下之泥濘，從遠方驟眼看來，或誤會我在原地踏步。

長遠下去，必有大患。

拋開平日營運、產品研發、及各類商務工作，今個星期我決定花點時間，審視現時的發展方向、未來路向、願景實踐。我將自己的願景和現時各個未盡之處以筆記下，再振筆疾書，寫下各種希望達到目標和每一步，以及各問題的解決方法。營商上，我無疑是個BB班學生，儘管萬般不願意，我還是誠實坦然接受現時自己營商力有不逮，並下定決心去尋求改變。

其實在營商以外，我相信做人亦如是。定期靜下來反省自己的待人接物態度，人際關係，有莫大裨益，此處不贅。

我相信越難走的路是越值得走的。在浩浩的人類歷史裏，我眼前遇到的小問題，其實很多前人也遇過。帶著破釜沉舟的決心，耗盡全力，將事情做到最好。他日你我一同回首，一路走來，原來路上每個挑戰都成化為了一級級的石階，引領我們到達目的地。