#094 Re Pillow 3 XL 登場、XL 枕頭的由來、近大半年的工作、困難和挑戰對我的意義（17/03/2024）

圖：Pro Add-On 盒，其實盒底大家可以見到亦都有收藏咗一句 Quote。

歡迎來到本週週記！今個星期最主要嘅更新，就係我哋可能有啲客人等咗好耐嘅特長枕頭 Re Pillow 3 XL，終於出場。

XL 枕頭的由來

關於 XL 枕頭的由來，都想藉此機會分享一下：大約兩年前，因應客人的要求，我們為一位年輕女客人特別做了第一個的特長枕頭，因為我們是香港自己廠製造枕頭，因此要做一個特別長的枕頭亦並非太難。當時我很好奇，冒昧問為何她要一個這樣特長的枕頭呢？她說自己和男友住，但睡床不大，放不下兩個正常尺寸枕頭，又想可以和心愛的人親密一點，枕頭中間不要有罅隙，因此想特別訂做一個特長枕頭。

哦！原來如此。

做完一個之後，本來想應該沒有甚麼人會有類似要求，因此就把這件事放在了一旁，怎料過了一排，又有客人聯絡，想訂做特長枕頭。一個又一個，我開始想不如將這款「特長枕頭」納入產品線內，不再是要客人主動查詢才特製，因此就有了 Re Pillow 2 XL。

今個星期五，終於推出了 Re Pillow 3 XL。

近大半年的工作

最近大半年實在事忙，由上年 6 月出 Re Quilt 2 開始，一直都較為忙到依家。上年 6 月是為一個分水嶺，6 月之前，我依家睇返其實係較為唔夠努力，真係未推到自己再盡啲，係 Re Quilt 2 開始，其實或許有人有留意的話會發現，Re Pillow Co. 整體係多咗好多產品，而啲產品唔係「為出而出」唔係「求求其其」，係真係有啲諗法，而且由包裝到設計到實用性係真係好咗。 例如就睇吓新床單為例，係真係一件有用同埋好用嘅新產品。但其實 6 月之前同 6 月之後，做呢啲 Products 都係我自己一個。呢個其實即係代表，之前嘅我唔夠努力。

困難和挑戰對我的意義

最近一兩個月，因為某啲原因，開始要處理更多本身唔係自己做開嘅工作，有少少係挑戰緊自己承受能力。但我信人係透過依啲挑戰先可以令自己進步同訓練得更 Capable，好似做運動鍛煉肌肉一樣，係因為「鍛煉」，先令你強壯，而強壯就可以令你日後面對同樣困難時，困難會對你來講容易咗。

例如開頭你最多只能夠連續做 5 下掌上壓，已經覺得好辛苦唔能夠再繼續。但係當你訓練之後，可能你最高能夠做到 50 下掌上壓。當你有 50 下掌上壓嘅能力之後，再重新叫你做 5 下掌上壓，就會變得輕而易舉。

最近確實環境麻麻地。今個星期同另一個香港較為出名嘅搬運公司年輕的老細傾過計，大家都覺得確實要喺逆境自己搵方法求存，有危必有機。捱得過，就會有希望。確實一啲初創嘅公司，好多時候都捱唔過頭幾年，尤其喺現時經濟環境唔係太好嘅情況底下，會更加困難。嗰位搬運公司老細係一個好好嘅年輕人，好善良亦都好有毅力， 我信「人在做，天在看。」希望我哋同埋佢哋公司都能夠過到吧。