#123 Pour Your Heart into it -- 新床單一年（06/10/2024）

Book: Pour Your Heart Into It - Howard Schultz (1997)

歡迎大家來到本週週記！又來到寫嘢嘅時候。今個星期想講係新床單一年。

上年（2023）11月，新床單首次登場，然後到今日，經歷了一個頗為顛簸的一年。雖然好似講咗好多次但確實這件產品實在遠比想象中複雜，不論係管理上還是產品設計上，都迫我成長和上了一年急速成長的課。我無辦法不成長，如果要推出依件產品，就必需要經歷成長，要必需學習去解決各種問題，而且自己在各方面嘅能力都要提升。我相信歷練同經歷令人成長，而呢一啲嘅成長係為未來去鋪路。

我自己有作咗兩句的，「困難之所以困難，係因為自己仍未夠勁。」、「細嘅困難顯得好大，係因為你生活中沒有遇過一啲更大嘅困難」，其實兩句都並沒有任何科學根據的，都係我自己作嚟來勉勵自己，但係意思都係只有鍛練同磨練自己，先可以迎接更多困難。

產品方面，整件產品如果要「做得到」就其實不是太難，但如果要「做得好」，就不是咁易。極多細節需要改善做好，比起一張床單講話隻質地如何細滑如何透氣如何防塵蟎就可以，這件事情更為複雜。當中有工程有科學，也有產品設計。花了一年時間，整件事才漸漸算是上軌道。在管理方面，這件產品包含很多不同的配件、生產工序等，要各樣配合，當中很考自己的管理能力。另一個管理就是庫存的管理，這個牽涉要計算生產的速度和售賣的速度，及時生產補貨，及時送貨到門市，嘗試無縫接軌，要令到有這麼多不同的尺寸、顏色，也可以讓客人隨時可以買到自己需要的。

經歷了依一年，我更覺得商業世界的複雜和不確定，有時我都不敢想像未來會點，亦都我更加覺得，好多時未來係講唔到的。一年之前我嘅想像嘅未來，同現在根本唔一樣，好多本身嘅預設同估計可能都已經錯晒，有啲計劃可能無法實現，亦有另一啲計劃係突然實現。因此我嘗試唔好花太多時間去諗未來嘅嘢，亦都唔做無謂嘅揣測，只係專心做好手頭上嘅事情，一步一步踏踏實實行好每一步，低頭默默做。

不能後悔，只有默默地，專心地做好佢，盡心盡力去做，Pour Your Heart Into It.