#127 尋求突破（03/11/2024）

最近幾個星期因為不同的機會，同咗好多不同的公司同埋其他各行各業嘅人見面傾偈，我開始去認識吓唔同嘅人。

或者我要先返番轉頭少少講吓一啲背景，一直以來我大概做咗過去四年，其實都比較孤獨。我會比較謝絕各項嘅邀請同埋認識唔同嘅人，比較鍾意自己一個做。一來我自己唔係一個好喜歡交際嘅人，我係比較鍾意自己做自己，匿埋喺間房度自己做研究嗰種人，建立 Re Pillow 亦都係咁，我好似自己係一個細細地嘅角落頭度做，我覺得有啲似中國嘅朝代嘅「偏安」概念，與世無爭，可以自己自成一國，細細地做自己，喺一個小地方內面有自己嘅小天地。

雖然如此，但係呢個方法都亦有佢嘅問題 —— 發展會有掣肘。外面嘅世界很大，結交朋友也重要，開頭可以用呢個方法，但係長此下去，會錯過了很多機會。因為工作嘅原因，慢慢亦都有認識到不同嘅機會同埋人，我開始嘗試多啲主動去同呢啲人認識多啲，唔再自己匿埋一角。始終雖然我係一個產品主導嘅人，我亦都好相信一間公司，始終最重要都係嗰個產品做得好唔好，但係確實有好多產品以外嘅東西係要兼顧，而作為公司嘅帶領者，我需要帶領公司亦都係呢啲方面度發展，令到可以產品接觸到更多人，我希望亦都幫助到發展。

因為實在太多不確定，因此未能講是見咩人等，但至少可以知道，未來可能會更多不同的合作。