#141 公司營運效率的重要（16/02/2025）

圖中工業大廈大部份單位都熄燈了，其中一個着燈嗰個單位，就係我。經常晚上做得比較夜，因此可能 7、8 點落樓下先食個飯，再返上去做 。

由於我不想因為自己一人不才，而致公司經營不善，令公司上下過著半生不活的日子，或以致倒閉離場 ，因此近年越來越多研究各大大小小公司的興衰，當然每個時代、國家背境、公司老闆等會不同，但慢慢看多從中會看到 「Pattern」 —— 也其實越見得多，更會對結業一事看得越淡 。就像人有生老病死，每間公司也有其興衰之時 —— 越大的公司，不代表它越可有更強生命力不會離場，細型的做了多年的公司仔也可以冒起（多數係遇到一個頗為有心且有魄力嘅人，而多數他做嘅事未必受公司原有嘅人接受 —— but think - 依類公司之所以多年做亦無甚起色，其實原因係原有企業文化有問題，所以如果有人獨斷獨行，做出間公司本身人不接受嘅事，好有可能佢係改變緊公司嘅航程 — 留意不一定係話向好，但一定是行出一條不同嘅路） 。

講講下講多咗，但之所以帶出依個話提係最近本週同一啲前輩傾開計，講想講嘅係「營運效率」（efficiency）。缺乏「營運效率」，係一個好多公司常見問題，亦都即係一個人可以做嘅嘢居然請兩個人做，又或者請埋啲人都不是太叻，做嘢做得唔好，令到有人要其他執手尾，浪費了資源/心力在中間。以致公司虛耗大，最終這些公司慢慢被其他公司跑上追過，都係要難逃結業命運 。

呢件情況喺政府都會發生，政府一個唔同之處係佢即使缺乏效率，都唔會結業，因此更加需要更強嘅自律，否則就會不斷浪費資源同埋納稅人嘅錢，而沒有一個市場嘅機制去調節 。最近美國政府去請 Elon Musk 去成立 政府效率部，去刪減不必要嘅人手同埋浪費資源嘅程序，其實正正都係做緊呢樣嘢 。

營商嘅我哋，真係要自己反省吓會否喺自己公司都有類似嘅情況出現，因為依個係一個常見問題。如果呢啲錯都犯就真係有啲唔抵，因為人哋已經犯過，自己又再去踩多次，就好唔抵 。

繼續加油努力 。