歡迎大家又嚟到本週嘅週記，寫一寫一啲工作上嘅事情 。話說最近今個星期剛剛簽了一個新嘅授權卡通來自日本的，亦都係我哋第一次做依種國際卡通授權。呢項合作已經傾咗大概半年，經過一輪籌備等等終於能夠簽約，並且相信應該不久嘅將來可以推出，豐富新床單嘅選擇，知道有啲人覺得我哋暫時款式不夠，收到亦都明白，我在努力 。
最近亦都有同不同嘅百貨同埋家品公司洽談，希望可以做一啲合作，推廣我哋嘅產品能夠喺不同嘅地方可以買得到，亦都係增加品牌知名度 。以往我自己比較有啲對這類類型嘅合作會有一種不是太喜歡，原因係因為我好崇尚 Direct to Consumer (D2C)、所謂 cut the middleman 嘅銷售方式 —— 畢竟如果件產品本身係$100，我為何要透過呢啲中間公司，令到客人要比 $140，去買一件本身只係 $100 嘅產品 —— 點解我唔直接 $100 直接賣俾客人？
我只覺得因為我自己都係一個消費者，我唔同意呢一種咁樣要經中間人嘅消費購物方式，我覺得咁樣係對於製作產品嘅人（我）同埋消費者都係冇益處的，最終益咗都只係中間嘅依啲嘅分銷公司。以往可能因為沒有互聯網，或者因為品牌都好少會有自己嘅網站，因此客人需要透過呢類型嘅百貨公司去購買不同品牌嘅產品，甚至其實近十年興起嘅網上百貨公司（我唔標明邊一間）其實中間都有一定程度嘅平台分成，但係換來嘅係一種其實我覺得係雙輸嘅局面 。喺今時今日我覺得如果能夠避免有呢種中間人嘅角色係最理想的，好似 James Dyson 佢咁講過（或者大家都知道），佢好鼓勵大家直接同佢哋購買，Buy directly from the people who made it. 其實講緊嘅都係同一樣嘢 。所以以往一直以來我都相當有策略性地去避免喺百貨公司度做生意，如果佢睇睇我哋嘅網站會見到我哋都好鼓勵大家直接在網站落單，亦都見到除咗喺我哋自己網站可以買到我哋自己產品，喺網上世界係唔會有其他地方可以出售（我們沒有好似其他品牌咁樣去上架其他網購平台），而雖然我哋亦都有枕頭喺其他百貨公司度上架，但是其實我哋絕大部份產品都沒有放喺百貨公司，亦都係間接地鼓勵客人過來我哋自己嘅門市購買，包括門市先可以有職員介紹亦都可以有得試用，其實係想鼓勵大家過來直接同我哋購買 。
不過現實係確實我哋都有聽過不少客人係想我哋喺多啲百貨公司可以購買得到，亦都覺得我哋實在門市太少，希望我哋係可以擴展大啲規模，令到增加知名度，呢個我都係明白的 。
無可奈何地，確實百貨公司係能夠接觸到更多嘅購買床上用品客人，我們自己嘅嗰三間分店雖然係自己營運，但確實接觸嘅人係有限 。因此我自己亦都喺呢方面思考過好多 —— 我是否應該真係要進駐更多嘅百貨公司或家品店，令到更多人認識（但係知道其實客人比嘅錢有好多係落咗去依啲中間人手上我自己係唔想的），呢個係咪一個不能避免嘅一個過程？還是有一啲更好嘅方法可以攞到個平衡。這一點確實沒有人有答案 。但最近因為市況經濟不好，確實呢啲嘅百貨公司都亦都有更多嘅議價空間，或許$100嘅貨唔需要用$140交俾客人，因此我最近亦都在積極同佢哋商討議價 —— 亦都係一個嘗試。
同時間我亦都喺度做緊一啲更加長期嘅嘢 —— 但暫時無法講住，希望能夠有成真嘅人，到時再同大家講！！
#139 萬變的營商環境、見得更多人、在變化中該如何自處？（02/02/2025）
#141 公司營運效率的重要（16/02/2025）