#174 團隊精神係要識得蝕底（05/10/2025）

最近在處理一啲內部不同同事之間合作問題之事。實際太 detail 就唔講亦都講來亦無咩意義，但反而當中牽涉嘅一啲價值觀，我覺得或許係之後要需要樹立，作為公司文化一部分 。

小學時做風紀，當中常強調係服務他人、自我犧牲同願意唔怕蝕底嘅精神。依個當然咁細個時候未必會明白，只係老師講因此你亦跟住講，但及後中學時加入 Air Cadet 制服團隊，當中訓練依家諗返都相當刻苦（凌晨 emergency call check barrack、嚴謹紀律訓練 etc），同埋上頭係會落好多未必係完全合理嘅命令比你，然後一班同伴要齊心努力去完成，如果一個人做錯都要集體 punishment 去掌上壓或跑圈，一個係會連累所有人因此係不能「自己顧自己」，係要顧完自己（依個係基本先，因你不應拖累其他人）再顧埋差啲嘅同伴。大概因為咁，我以為有一個集體意識互相幫助係好正常嘅做法，人人都會或多或少會願意自己蝕底啲去成就他人，因為你好我都好，你出問題我都會出事。但出到來工作我發現原來唔一定人人咁諗。其實或多或少每個人都總有自己個人利益，理解嘅明白嘅，但問題係如果係有啲嘢係對自己不利嘅發生喺自己身上，或者有啲情況係要自己蝕底啲行多步，份工你可以話係唔包㗎，又願唔願意去做埋佢同唔計算，依個係唔「直觀」㗎，但係一間公司就係有時係有需要咁，大家你幫下我我幫下你，拍爛檔搞掂件事，就係要咁 。

又，最近準備緊希望要將我哋舖頭嘅裝修擺設等等重新執得好啲，比較接近主流大牌子水平。希望做到。