張圖係隨便影的，早幾日去探朋友。完全和本文無關關係。我不是住烏溪沙的......
Hello 大家好！又嚟到一週週記，如果有留意開我哋嘅朋友都知道，大約上年年中嘅時候我曾經拍過段片，講未來一兩年將會係我最困難，亦都係最大改變嘅時候（我坐在烏溪沙沙灘上拍嗰段片，放了在 Re Pillow 的 Social Media），因為我希望可以正式能夠進入主流，然而喺過去嘅幾個月，或者大家都有留意，似乎我哋嘅動靜係慢咗落嚟。個原因係因為喺始終一月嘅時候，因為實在我哋嘅出貨以及整個庫存管理系統等等，其實都出現好大嘅問題，係唔能夠可以準確咁樣將正確嘅貨收送去正確嘅客人手上，亦都有部份貨就整得好多，但部份貨就經常斷貨，成個營運係極不順暢，每日就係不斷咁樣救火嘅情況。然而過去幾個月嘗試過唔同嘅方法去改善改良，慢慢係有改進，但整個過程即使直到呢一刻，我都覺得係非常痛苦。但係呢個重整嘅階段係必須要處理的，因為如果唔重整的話，日後只會過困難或者問題會越滾越大，之後更加難以去處理。
當然係背後有其他需要要做嘅工作，包括係產品或者各樣其他嘅發展都係同步進行，因為世界唔會等你，只能自己努力。有咩唔開心，或者壓力都要默默承受，不過做任何工作都係咁，我完全明白，亦都咁講，做嘢係咁㗎啦。各人都有各人嘅煩惱。
嚟到依家大約六月初左右，我覺得係時候可以再次重整，希望再次嘗試進入主流。亦都想講其實真係要多謝雅芳婷，我都知道有時咁樣可能啲人覺得「你個擦鞋仔」...... 但老實講其實真的，喺佢哋嘅呢個規模同埋層面係冇需要理會我，我只係一個微不足道的「0靚仔」，唔搞佢，得罪講可能如同好多 Start Up 一樣都會自己蝕本收場。但講完呢啲之後我想講返正事，確實係過去幾個月，雅芳婷嘅摩登絲系列（ULTRA FINE 2.0）係頗受歡迎，因為畢竟真係個物料確實係各方面嘅表現都係非常理想，非常適合希望追求極致細滑質感的客人。我覺得對於新床單嚟講，係一個頗大嘅game changer.
但真正嘅 Game changer(s)，我亦都背後繼續在努力，繼續做緊，希望到時大家會見到，亦都會希望真正能夠做到，我始終去到依家，我嘅目標仍然都冇變到，依然係想做一啲有意義嘅事，可以改善到更多自己身邊嘅人嘅生活。其實就已經係一個好好的人生。
#208 跟雅芳婷集團同事更多會面和討論（31/05/2026）