#217 分擔工作的機遇與問題（02/07/2026）

喺任何的 Start-up 有一個 founder 常見問題是 delegation（分擔工作）。好似常常啲 Start Up 都係喺兩個極端度游走。一係就係有啲人一開始就食大咗個胃，請好多人手去做，你負責依個，我就依個，然後其實個 Business 條數其實唔太 Balance 到，然後於是就去可能要搵 Funding，跟住個 Business 變成比較係似係苦苦經營而常常要搵錢返嚟嘅一個狀態，咁樣就唔係好健康。另一個極端係去咗所有嘢 Founder-lead，個 Founder 有 Control Issues，佢知道自己需要 Let Go，但又覺得 Let Go 唔到，因為其他人做唔到佢要嘅嘢，於是佢成日罵人，自己都自然唔開心，同佢做嘢嘅人亦會辛苦，大家都係痛苦。

一啲人就好想 Delegate，好鍾意好快就做到公司好有規模自己好有 Title 咁，最主要當然亦都要威要好睇，但可能 Money 唔係 Flowing in enough to balance the outflow，另一啲人係實在實幹派，仍然自己落力做，但亦去到要 delegate 時，亦未 delegate 到，變咗自己就係公司嘅 Cap。當然，依個亦都要睇埋自己公司嘅財務狀況，有時唔係 Founder 唔想放手，而係公司沒有錢，咁沒錢就自然沒人，自己養自己基本生活都有困難，無謂做個無良僱主廉價請人，自己頂住做多啲啦 。我認我係後者 。而當然去到一定程度後，你會發現依個情況會係幾 CAP住自己發展，樣樣都落手落腳做，公司發展唔到快上去，樣樣事都會 kick 住 kick 住，變咗當然你係叫做係穩陣，但同樣你發圍有難度 。

好似今個星期咁，其實好多嘢我已經想盡量比多啲同事跟，自己可退居做第啲產品改良研究同拍片講解，或者可認真諗下進入主流嘅事，但實在好多濕濕碎碎各樣，其實都要自己落手落腳做（暫時），希望之後可以會好啲，始終防守才可以有更好的將來 。但我同事亦都要確保其他人跟得到做得好，我先能夠放心放手，亦都有好多公司失敗的原因是因為跟得唔好慢慢做嘅嘢就會走樣。這個是一個大學問 。