#072 Re Pillow Co. 的角色（15/10/2023）

實在床上用品嘅品牌非常多，然而我覺得若然要繼續做落去，其中一樣好緊要嘅嘢，就係要知道自己為咩而做，呢個似乎係市面上好多品牌缺少嘅。今個星期，不如唔好咁悶，寫下我想做到嘅事：

我想喺床上用品界做一啲事。我覺得我哋可以做得更好，尤其係香港，大家都係香港人，都知喺呢度生活工作確實壓力都大，我覺得我可以做一啲嘢去改善大家嘅生活，令大家每晚瞓得好啲，每日精精神神，應對各樣生活上嘅事情。而我覺得呢樣事情係值得做，因為只要我去專心研究，努力去做，我花自己一個人嘅時間，係可換嚟更多人生活上嘅改善，令你可以花時間喺你想花時間嘅地方。

唔係每一個人都係可以做鏡頭前衝刺嗰個，總有啲人要喺後面做 Supporting 嘅工作，用自己嚟成全他人嘅成就，而我覺得我可以試做到呢個角色。等大家知道每一晚返到睡房都會瞓得好好，知道睡房嘅床上用品都好貼切到自己嘅需要，等你可以專心於做自己想做嘅事。我聽過唔少客人花咗好多時間去搵唔同嘅枕頭，我覺得唔單止佢辛苦，而係確實呢個係一個現實嘅問題，係需要有人去為社會解決。

以上，乃係我希望做到嘅事。Now let’s make this happen.