#222 一個需要考究到底的精神、自動化與效率（06/09/206）

今個星期因為一啲工作上遇到問題，我有一個小小的發現。我發現喺我自己工作上，或者遇到其他人喺佢哋各自嘅行業入面，能夠有個心去深究，去了解問題本身的歸根究底出現問題原因的人，通常都會特別成功。有時有啲人佢見到一個問題出現，當然大家第一時間正常都即刻搵方法先解決咗佢先，快速解決問題防止問題再惡化落去，但是要去了解點解問題會出現，去避免同類型問題再重新再出現，依個嘅心係同樣重要。

我諗講一啲實際例子係最好的：e.g. 有一啲喺床上用品嘅一啲製作做法，生產上面嘅問題，大家如果有睇我嘅週記，或者都知道我近半年因為認識了雅芳婷，而佢哋對我亦好好，因而其實有啲我自己唔識得解決/唔夠能力解決嘅問題，甚至可能係困擾一段時間的，其實極大可能佢哋已經多年前遇過出過問題解決過，因此我係問問佢哋幫手，其實可以建決到一啲問題，但依個問題當解決了之後，其實之後又如何，依個 Next Step 係好重要，因為依一步係會影響之後到底我哋會唔會做得好，依個係有啲似小米嘅雷軍早幾年講，小米要「補課」，要追返掌握返核心技術，因為初起步的幾年佢哋核心嘅技術都不是自己，更加似係只係將入返嚟嘅零件組合，但佢哋要如果令小米可以長線發展，要需要有自己核心技術，因為小米雷軍預計嚟緊世界智能手機領域會慢慢剩下幾個大嘅 Player，唔夠實力就會走。

同樣，其實我做 Re Pillow 都係想做一個比較 Long Term 嘅做法。大約一兩個星期之前喺嗰個網站嘅購物車改良咗，令到可以check到客人會否落單時不小心，會唔會有尺寸不匹配嘅情況，另外我亦都喺今個星期加咗一個直接接駁生產系統嘅 API，比舖頭同事可以隨時check到缺貨產品嘅現在做貨嘅進度，幾時會做好，以及同時間系統亦都直接接駁我哋網站嘅客服 Re仔，方便客人隨時查詢，亦都今個星期喺網站缺貨嘅產品嗰度，如果click落去缺貨產品會同樣見到幾時補貨的日期。而今日更加增加咗一個指定送貨日期的功能，可以喺網站落單嘅時候指定送貨日期，更加方便客人。以上呢啲係為咗「起好個基礎」，改善客人體驗，再其實同樣都係慳咗我自己時間，因為本身可能例如要回答客人或者同事啲貨幾時做好，又或者要幫啲客安排指定日子送貨，都需要溝通同埋時間，現在更多嘢可以大家自助，對於所有人都會覺得更加 efficient。咁樣同樣我都可以將時間擺喺一啲更加值得放時間嘅地方。因為做 Re Pillow 呢件事不能夠只係睇產品，亦都要睇埋啲側邊嘅配合，咁先可以做得更加好，準備之後嘅事。

講講吓講遠咗，但講返解決生產上遇到問題要解決，其實同小米情況一樣，我係好慶幸有機會可以認識到雅芳婷的同事，亦佢哋好幫到手解決我的問題，但是佢解決後，還需要我係需要了解點解我解決唔到佢解決到，佢係有咩特別做咗？佢係有咩係佢做到，我做不到，如果我想解決，我有咩方法。要深究先可以解決問題，同埋了解背後原理，之後先會做得好。即使假設雅芳婷佢待我好待我好一世，自己盲舂舂有人幫你解決問題你只是借了佢經驗，但不是係代表就可以永遠咁落去。

一個需要考究到底的精神所以係好重要。