#098 一些「不能分享的工作」、「就快斷貨，但係又未斷」分配庫存遊戲、新床單未來產品研發（14/04/2024）

圖：兩款不同的 Re Pillow 3 包裝盒

歡迎來到本週週記！上星期寫了一篇關於創業的週記，有客人看完感覺我似乎寫得很悲觀，覺得會否我已做到意興闌珊。放心，雖然有時真係覺得做得好辛苦，亦都會懷疑自己，但係其實篇文寫出嚟，都係想帶出需要樂觀、正面嘅態度去面對所有問題。創業就係不斷咁樣解決問題，亦都要不斷咁樣「跌低起返身」

一些「不能分享的工作」

其實今個星期除了在忙以外，我也在理順一些新床單

的事，本來好想在此告訴大家，但實在這刻我已學會有些事真的是「商業秘密」是不可以除便這樣寫出來公諸於世的。我覺得這樣其實是某程度上犧牲了我和客人的關係，因為我不能夠將所有工作的全部分享給大家知道。但實在當中牽涉了很多做事的方法，一些做產品的步驟、技巧等等（好了，我真的不能再寫了），這些不是單靠買一件產品回來，將它拆解，就能夠知道的。而我亦不能夠把這些資料直接讓競爭對手知道。商業世界的可怕，是它如何的無情和現實。汰弱留強，毫無感情可言。儘管你是善良，但也要要學會保護自己。

講一講第啲嘢吧！

「就快斷貨，但係又未斷」分配庫存遊戲

今個星期，我哋全公司上下喺度玩緊一個「就快斷貨，但係又未斷」嘅分配庫存遊戲。因為如同早前喺社交平台公布，我哋預計到新床單不同尺寸顏色開始漸漸會斷貨，然後斷貨呢個過程係痛苦的，因為我要時刻檢查着自己葵涌倉庫各種顏色尺寸貨量、以及要尖沙咀和北角門市的同事隨時檢查住自己倉庫庫存，收到網上訂單就要keep住，又要盡量滿足舖頭每日客人的需求，亦都要可能嘗試分配令兩間分店都可以有不同尺寸顏色賣到比過嚟睇嘅客人。呢個遊戲係好辛苦（我諗如果有同事睇到呢度應該會非常有同感），我覺得我自己每一日都好似活在喺高壓狀態當中，因為好想能夠滿足到所有客人的要求，亦都想唔同客人過到嚟舖頭，不論係咩床褥尺寸都可以選擇到自己想要嘅嘢，而且最好就可以現貨拎走。我有時感覺會不會比了太多壓力同事，因為佢哋售賣嘅時候，可能又要諗吓有冇貨交到俾客人、幾時先有等等，又要有時候留定貨出網上收到的訂單，其實應該都幾辛苦。

新床單未來產品研發

這個星期亦有做一些新床單的新產品研發工作。各位可以放心，現時我在研究未來的新床單的新產品也能夠配合現在今日購買的新床單，可以更加完善整個「生態圈（Ecosystem）」，即是例如可以有更多不同的床單物料和顏色選擇，現在已經購買了新床單的客人可以再買，然之後換上自己現時正在使用的底框之上，兩者也可以兼容，令自己有多不同的床面（Top Sheet）可以更換。諸如此類，有很多新主意會逐一地做，慢慢希望可以發展成整套系統。

下個星期，Re Quilt 2 會有三款新顏色登場！我覺得實物的顏色真的幾好，真的相當挑選得不錯，夏日將至，有興趣就要留意！