#111 開多一間舖的思考（14/7/2024）

歡迎來到本週週記！上星期曾經提過，有增設第三間門市嘅可能。最近忙於籌備開第三間店舖事宜，很多人都覺得開舖就是擴張，擴張就即是一定做得好了，其實不然，有時有苦自己知。就以自己 Re Pillow Co. 為例，趁人少少，且聽我道來：

1. 現時 Re Pillow Co. 只有兩間門市，一間在尖沙咀，一間在北角，因為店舖太少，一到租約期滿，和商場的議價能力很低，商場知你就此兩間門市就係公司命脈，亦即我們其實被人「抓住了要害」。如果唔起勢加租真係大幸了….. 加多啲門市，分散收入來源，其實係保障自己做法。有時因此加多間舖其實係想增加自己 bargaining power（議價能力）。
2. 增加分店，擴大規模，可以攤分生產及研發成本，最終可讓公司同用家受益，economy of scale，依點應該很明白。
3. 增加咗門市之後，可以更易比較邊一間地點較好，生意較佳，然後就可將虧本嘅店舖關掉，執笠大吉，亦即俗稱「換貨」，進可攻退可守，長遠是更善用資源的做法。

都要提一提，做生意係高風險動作，開多間舖亦有好多附帶成本等，不是咁易，我都係一路做一路摸索中，以上係我自己諗法而已，未必是對的。不過做生意就係咁啦，自己冒的風險自己承擔。

以上資料係今個星期想寫的，嘗試有時啲週記不要一式一樣，今個星期嘅格式特別啲。希望大家安好，生活有時不容易但我都會以我最好嘅心去做，有時有好多事我唔知點講，但大家加油，辛苦、委屈、有事無法宣之以口嘅日子總會過去，過咗之後日子會更好的。