#117 斷貨、出單、設計是工程和藝術之結合（25/08/2024）

感謝大家又來到本週週記！今個星期繼續由我去寫下工作嘅事情。首先第一樣嘢就係今個星期就因為過去兩星期部份尺碼 base 嘅斷貨，令到有積累左一定數量嘅訂單，喺今個星期寄出。出貨依件事情都幾困難，因為我要需要衡量返到底每一張訂單嘅落單日期係幾時，亦要考慮埋門市有冇客人可能曾經留咗貨，俾咗錢，係之後我們承諾了有貨後可打電話通知佢來取貨的，嗰啲亦要按返佢哋落單嘅順序，並且喺盡量唔超過兩星期等待時間之內，喺有限嘅貨嘅情況底下去希望人人開心，依個牽涉到可能有時候喺舖頭會唔夠貨，但係可能另一間舖頭就有貨多出來要轉貨等等，但係總算都叫做解決咗。

有時有啲人話我應該請人幫忙解決依啲問題騰出自己，當然我都知道咁樣是最好，依啲大家都明白 Delegation（分擔工作比人）嘅道理，也都明白提出依句說話的人是好意的，但有時依啲事情我唔知如何講，只能夠講暫時依刻我未可做到，只能自己硬食辛苦啲。但真的多謝好心的。所謂少時了了，大未必佳，倒返轉如果後生有時有啲辛苦有困難是磨鍊是好事。

轉個話題講下設計。最近因為整緊一個比較長遠嘅產品 Project，雖然暫時未可講到幾時出，但如果到時出嘅時候，會係唔單是床上用品界，而一個真係（我覺得啦）工程學上唔錯嘅設計。設計是工程和藝術之結合，我覺得再進一步係唔單止要做好設計，而且有一個道義上嘅責任（Moral Obligation）去盡能力推動到去比更多人用到，因為好嘅工程師同設計師係有，但要需要同時做到比到多啲人認識到用到就更好。如果睇返早幾星期週記（拍片嗰篇）我曾經講到小米的雷軍，我真心好欣賞同敬佩佢，因為佢就係做到呢一樣嘢。 當然一定係唔容易，我自己亦都未必一定做到，但盡力而為， 至少我的目標是這樣。

最近零售同埋商界一片愁雲慘霧，實在我哋喺當中都明白個情況。 唔識講，唯有盡量努力去做吧。