#131 將工作放手給同事（08/12/2024）

臨近年尾，剛過去的星期離港「行開下」去嘗試散下心，結果工作始終還是仍未放得開最後好似都係唔離港較好。現在廿幾歲，公司規模不夠，同還尚有太多 hands on 似終仍未係可以行得開，交哂工作比同事，太多工作都仍然自己 hands on 落手做，最後其實放唔到手，即使去邊還是心繫工作，真係倒不如留在香港工作更好也。

最近慢慢刻意地放手將自己部分工作交比同事，亦都以往同事可能每每遇到問題就打俾我問，現在我開始刻意要讓佢哋自己找合適嘅人去解決問題，不要下下問我，希望可以騰出自己去做更重要嘅事，例如諗方法解決公司更大嘅問題，呢啲係如果日日都個腦成日對啲太營運日常嘅事情，係冇辦法諗到的。最近一星期有一位前輩同我傾咗個好長嘅電話，比咗一啲好好嘅 advice 比我，在此我就唔可以詳講，但當中其中一個重點係我如想突破樽頸，我需要學會將可以交嘅工作交比同事做，騰出自己去做一些其他同事做唔到嘅事，實在甚對。因此我第一步依家要做嘅，要先減少處理一啲日常支持細節事情 —— 依個係要拿捏的，因為若無法知道日常情況，會太離地，然後亦是另一問題。前輩話其中一個做法係要同事每個星期 report 今個星期做過嘅事，令自己可以對於公司日常營運有更多掌握，亦都係一個好方法。不過一如所有 advice 當中每間公司情況唔同，其實營運公司就好似人咁，正如每個人都有自己刻下面對嘅問題，公司都有自己嘅問題，有啲係長期問題，有啲係短期，都需要解決同埋要因應自己公司長短處去制定合適嘅政策。因此去應用層面上細節是需要時間去試同夾出來，但這是我在做的事。

其實已不只一次有一些前輩比依類建議我，好多工作我都要慢慢放手，不能攬哂自己做，因為咁樣我會成為公司最大嘅窒礙同樽頸，最終是有損公司繼續向前發展。以上道理我好明白，但對我來講嗰個最大問題係因公司資源緊張而現時生意亦非好穩定，請多個人幫手有成本你都要為佢負責任，因此只好自己硬食頂住先。不過如果可以或者都可先將一啲工作交比現有同事，也是一個方法，都係一路摸一路做啦。