#146 BEYOND（23/03/2025）

今日講一個不是太關事的故事

當時 Beyond 是地下樂隊，想玩自己想玩嘅音樂，但嗰啲音樂太「非主流」，大眾唔喜歡，浮浮沉沉，做唔起，所謂「入唔到屋」

後來佢哋有日覺得，如果樂隊要大眾化都要做啲大眾化嘅音樂，有人氣先有資金繼續玩音樂，之後先可以玩「自己想玩嘅音樂」，因此出咗例如最標誌性「真的愛你」比較廣受大眾歡迎嘅歌，慢慢亦開始踏上一流舞台。但當然，在玩大眾化音樂時，他們仍保留了自己的風格和有自己的投入，亦都係為何佢哋能經歷時間洗禮，仍是一代經典 。

論唱功/聲線，佢哋未必是最一流表現，論音樂，亦非玩得最刁鑽，但卻玩出自己嘅風格，講出自己想講嘅故事，我太年輕當時仍未出世，但依家睇返轉頭，我覺得嗰個係一個美好時代 。感謝佢哋樂隊嘅創作同付出，令到我哋可以享受到咁好嘅音樂 。

往往好可惜嘅係依一類型人即使為後世所認同甚至稱頌，通常在世嘅時候都有可能不同嘅困難，或者有很多人不理解，甚至批評，生活可能苦不堪言，或者我覺得更加似嘅係，覺得委屈 。往往都係咁樣的。奇怪嘅係往往一啲不被後世記得嘅人，通常佢哋喺嗰個年代都活得好好 。

我願我有堅持落去的勇氣 。