#143 「有為」的風險、「停止呼吸」（01/03/2025）

圖：最近在試緊一啲用環保物料造成嘅門市購物袋，New bags coming soon…

歡迎來到本週週記，又係時候講吓一啲一週工作上嘅事情 。我有舖癮係研究其他公司的故事興衰去借古鑑今，避免自己犯上人哋曾經犯過嘅錯，同埋當自己睇得多不同公司嘅故事嘅話，會工作上做事更有「perspective」，發現原來公司有興衰起落乃常事，再大嘅公司也有倒閉嘅一日，咁喺自己咁細嘅公司上，遇到困難會更加睇得開 。雖然盡力而做，但都識睇開 。

有時見到不同公司當佢哋有一個年輕嘅老闆上場，好多時或許因為年輕，所以勇於嘗試，也好有動力，因此都好多時候會有一啲新思維新諗法注入公司，亦都係我今日講嘅「有為」 。好似見到美國 Elon Musk 最近成立約政府效率部（DOGE），特別使用一班年輕人去做這件事，正正就係側面，印證咗呢啲比較新，需要新思維和激烈執行力嘅事，實在需要年輕人先做到 。如果係一間公司嘅情況度，一種新「年輕」「有為」，想大展拳腳嘅動力，當然驟眼睇係好事，但亦都要好小心，呢個係我寫來提醒自己的 。

在不少公司的情況，很多時是因為有這些年輕「有為」的新人上場，有着美好宏大的理想，推行了可能是值得認同也可能是正確的改變，但這些改變一下子推行，很有機會會「吃不消」，然後造成了一個現象 —— 公司無法周轉，現金流應付不到，結果「停止呼吸」 。

這些情況，經常發生 。古今中外，例子比比皆是。

因此返回本身我們 Re Pillow Co. 的情況，其實當然我知道也有很多本身我們公司可以做得更好的改變，但實在在發展嘅同時我都要避免以上有機會推行改變太急速而令到停止呼吸嘅問題，因此我需要逐步逐步推行。因為，公司管理層的最大任務是令公司生存，只要捱到下去先有未來，因此係呢個前提下，改變還是一步一步咁樣行。