#176 休假處理一些私人事、還看團隊能力（19/10/2025）

最近因為一啲私人事，今個星期休假在外，因為如此，以致本來屬於我嘅部份工作，需交給其他同事幫手。又係一次去測試到底同事「能否可以自己處理到各事情」「到底公司無咗我得唔得」嘅時機。其實講起依樣，好多客人常同我講要慢慢要學識放手，要將事情交低比同事，騰出自己先可以做到一啲更高層次嘅決定。但一直以來，真係「談何容易」呢…… 不過，今次因為自己冇辦法、真係不在公司，因此就都必須試下。今個星期暫時大致順暢，只係因為當中牽涉到一啲內部重整問題以致喺生產上有啲追唔上進度，以及一啲要同其他人去 deal 嘅嘢暫時我唔喺度deal 唔到，以上都係少許預咗。因此可能可以話都算係「實驗成功」嘅。