最近喺度睇緊一本書，叫 Power Play: Tesla, Elon Musk, and the bet of the century （by Tim Higgins） 。依本書係講 Tesla 係如何誕生的，當中睇到佢寫嘅好多 struggle 都好有同感，覺得同自己做 Re Pillow Co. 時遇到嘅都有好類似，當然我哋係完全極蚊型同影響力同實力都係同 Tesla 完全兩個不同層次啦，但如果大家仔細啲咁睇，我去 Set Up Re Pillow 同去做嘅產品、產品線款式，以及以致出售嘅方法網絡，都係同傳統嘅做一間床上用品係完全唔同，而依個亦係我特別去咁樣做的，並不是巧合。但去做一啲唔同市場嘅事係會好難，因為大部分客佢可能唔明，佢可能覺得，點解你要咁咁咁呢？以前嗰個方向咪幾好？然後喺另一邊箱，現有嘅既得利益者佢哋會知道我做緊咩，佢會睇到背後長遠係挑戰佢同現時大家已經坐好嘅位，佢亦唔想。
我舉個例子。會容易明啲。喺 Re Pillow 初期時候，大約 2021-2024 年，我哋係有一直同百貨公司有恒常合作去放貨比佢哋代售，係一個好傳統常見嘅 Distribution Retail Model。當然喺每件產品嘅售價上，一個部份嘅價錢就會由百貨公司去 Cut 咗佢哋袋，但依個係一個常見做法，亦係例如你見 Nike Adidas 嗰啲牌子佢哋嘅鞋都係咁樣喺香港賣，即使間店舖好似係 Nike Store，但入面都係由分銷商去代為經營出售，佢哋拆一份之後先比返個產品製造者，例如 Nike。
當然，Nike 也不是傻仔，佢不會無故去送錢比分銷商，當中一定係有至少有一啲好處或便利，所謂 Division of labour，大定一人負責一部份，依個係現代社會嘅底層結構。但講返我哋自己，有時有啲模式行咗太耐，其實喺個世界都變得咁快下，我個人覺得無話能夠完全一個方法用一世，去到最後最後，不論你慢慢同不同商業合作夥伴幾老友都好，最後做決定係需要為到客人最大利益，可能 e.g. 你知道沒有咗中間一個分銷商，改為自己做，可以比到客更好服務，因為分銷商一直做唔到你嘅要求，常常話會改善都改唔到夠，令客人有微言。但咁做可能分銷商同你合作好耐係老友，咁做你知係對件事好但你可能落唔到手，但你都需要做因為記住，即使你依個老友，佢放工換衫之後，佢都係普通人一個，都係會行街睇戲食飯，佢都想買嘢係價錢平啲貨又質素好啲售後服務又好啲㗎。
我諗我無需要再補充。你應該已明白。
所以最近我同同事講咗啲嘢，有個同事同我講，「下咁點得㗎我哋要交租㗎Wor... 」etc，我當然無怪佢！因佢喺行內另一間大公司轉來，叻人嚟的，但我立即講，「唔係，你錯了，我哋係要向個客去負責，比到佢用最好價錢買到最好嘅貨，唔洗向地產商負責」其實我仲有下一句不過無講係，如果有嘢需要犧牲，為咗做好件事，我都願意。
情同當時 Elon Musk 要賭上所有去做 Tesla 一樣。今個星期寫嚟到依度，下星期再見！
#187 如何可令公司長期做落去（04/01/2025）
#189 公司往往會放大創辦人/主理人嘅本身嘅性格和處事（18/01/2026）