#200 AI 會 Replace 工作嗎（05/04/2026）

圖：我用 AI Vibe Coding 整嘅內部 App 嘅 Icon 圖，你可以估下係咩 App 嚟。早幾年因為疫情，因而不論大人細路，有咗一個 work from home arrangement，而 COVID 後，2023 年起，其實依個Work from Home嘅潮流仍未係完全完結，唔少公司發現其實 partially work from home 係一個留人/attractive arrangement/ save costs / 配合有啲同事要移民等嘅方法 ，以致Work from Home其實喺我自己遇到嘅大大小小公司都仲有用緊，然而由於我最近公司 implement AI（注意：現時好多公司好鍾意吹噓自己如何如何用好多 AI，好似因為件事好潮就人人都要用咁，我唔係嗰啲，我情況係如睇返近半年嘅週記會知道係因為我其實初心只係做產品，但要更進一步必須要不單識諗產品而係要各方面做好而因而喺沒有錢嘅情況下，AI 係最好亦最 future proof 嘅方法，所以我花時間研究同 自己憑以前皮毛嘅ICT 知識去 implement。

然而喺我執行期間，我發現近兩年AI嘅盛行令到嚟緊有機會真係如 Elon Musk 所指，會令有啲工作會消失，有啲人會被取代，尤其如果係喺我睇到 retail 上，backend 同事如果係負責執貨出貨嘅，佢哋工作唔會被取代，甚至工作會因 AI 而輕鬆咗（如果老闆 develop 一啲 solution 比佢哋用，係可以輕鬆好多），前線喺 retail 門面嘅同事亦不會被取代，因為嗰啲都要真人，但中間如果做啲 supporting 位置嘅人就可能比較高危，例如 arrange 啲嘢嘅、統籌嘅、同埋 customer service/ customer support / internal support 嘅、accounting、finance 嘅，依啲位置其實 AI 亦因為既然如果都沒有坐喺公司可以實際面對面嘅優勢其實更加令到佢嘅位置更容易被AI可以取代到 。但係係唔係一定只係咁負面亦不是，只要如果個人可以為公司帶來超越一個人嘅工作量同 output value 應該亦會ok，但如果公司只係好中小企，要求唔高嘅 position 我諗真係會 AI 會 reduce workforce ，Elon Musk 佢嘅估計會成真。

我相信後來的時候，更加有機會係連面對面嘅工作都可以被機械人取代 。一個發展好快嘅年代。作為小 Business 嘅我哋，不能跟人做咩就做咩，亦不能人話用 AI 就用 AI，要自己衡量自己比到市場嘅價值喺邊。