圖：我朋友 Jason ThinkThing 的新產品
最近一期工作較忙，但正當非常忙，各產品亦有斷貨欠客時，我們在出貨前進行品質檢查 QC Checks 時，卻發現有兩款款式在染色出了輕鬆問題。慶幸的是，這些產品全部都是暫時未交給客人的，是我們自己內部檢查發現，而不是客人告知 。呢個問題其實係做任何產品時都會遇到，我知道好多公司甚至大公司可能覺得這是小問題，甚至會照樣出貨。但對 Re Pillow Co. 來說，我自己亦會買嘢會留意依啲事，我不想如此就算，但同時我知道若我不出貨，有啲客人是 2 月新年前嘅訂單，我若是因為重做，延遲了亦是會對客人一個很大的問題。各人有各人生活的煩惱和問題，我不想為人添煩亂，因此我亦很糾結。但今個星期有日，下午想了一段時間，我覺得，如果我想真正做好事情，我應該即使我知道客人會不開心，但我亦應做好產品才出 。因此我最後係決定全批貨重新再做過，並且同所有受影響客人交代，所有客人如果訂購了相關的產品，我都電郵聯絡了，全責任由我負責，會為佢哋該產品全額退款，並且產品將會係之後重做做好了，之後免費贈送俾佢 。
因為我覺得，依個係正確嘅做法，那怕可能其實本身個客其實可能不介意，但依個其實係我嘅責任，我一定要盡 。我對自己做嘅事，我要負全責和盡做 。
其實有時候我覺得太多公司做事嘅方式係睇個客而去做，例如做餐廳可能個客想要一個平啲嘅價錢有啲優惠套餐，於是個餐廳就去做優惠套餐，可能中間為了慳成本，而用一啲本身個廚師唔係太想用嘅平價啲嘅食材，迎合客人需要，冇錯可能個客人係唔出嗰個分別，佢只係覺得「平咗」「抵食咗」，當然呢個唔係有錯，我覺得有時候其實作為個廚師，會否亦都應該喺迎合市場方之外亦可保留一啲自我，但事先聲明，依個係高風險操作，因為你唔跟個市場走，但如果睇闊啲，從個世界上嚟講，其實每一個人都應該如果可以做返自己最擅長同埋最拿手嘅嘢，係對於人類文明 human civilisation 最好，哪怕未必係市場絕大部份人想要嘅咁樣 ，個世界先會多元化，先會進步就好似當時20年前，所有人做電油車的時候， Elon Musk 嘗試做電動車一樣 。Everybody thought that’s crazy, but he proved it. 但再戴多次頭盔呢個方法係好容易失敗同埋會破產收場 。
但即使失敗是否亦沒有價值呢？係，生活係重要，老婆仔女都要食飯，但人人在人海中其實對社會貢獻何在，我唔係講話需要點樣出名或者 egotistical 嘅名利，而係真係有時我都諗，我依家就快 30，我對社會我對身邊嘅人有咩貢獻，依個係我在乎的。我唔想出名亦不需富貴，但希望我係真正喺世上做到啲事係改善到人嘅生活，而非做啲人做咩又做咩。
#198 感謝客人和傳媒（22/03/2026）