#203 我好怕咁就會一世、持續向前（26/04/2026）

喺 3 月開始，依兩個月我係做緊一個公司整體嘅系統化同自動化，因為我信唯一可以解決問題嘅方法係要以系統化去解決日常營運問題，唔係下下都係每日人手去處理日常事務，因為我好怕咁樣就會每日營營役役就會一世，事實上好多人包括我自己一直都係真係每日營營役役，重覆唔係問題，問題係我怕沒有進步，無改善同進步，依個係我最擔心，因為十幾二十年係好快過，做做下嘢就會過，但唔去改進，就只會一條路就係會慢慢好難行，逆水行舟係不進則退，依家行緊嘅方法 Work唔一定日後會 Work，我依幾年認識到唔同嘅前輩，各行各業，其實都見到依一點。依期係做緊嘅，就係依一點。除咗產品以外，就係要喺營運上嘅模式都改變，用新嘅方法去解決問題，另外，亦都一定係 Always thinking ahead，如果常常每日做嘅嘢同諗嘅嘢都係同其他人一樣，又如何可以跑出呢--- 依個有個例子，例如 Tesla 見到 國家隊（BYD 等各個國產汽車牌子）喺度做一啲好多配置嘅新電車，又或者去做更平，Tesla 其實我覺得係絕對有能力去同佢哋鬥一番的，但 Elon Musk 已轉咗 Focus 去做 SpaceX、AI、Robotics -- 留返咗好大個電車市場比其他品牌，其實係 Tesla 開咗個 Market 比咗成個水路其他公司。同樣 Apple iPhone 亦如是，因為佢已經 on to the next thing.. 但是依個亦都要留意係有啲公司佢哋係以為自己好開創咗啲咩咩咩，但實情其實都不是啲咩。我自知自己只係好普通人一個亦唔叻，只能係將勤補拙，努力繼續做好公司各樣，同埋不能停下來。