人一生唔需要做好多個啱嘅決定，其實做幾個就夠。好多人想事事都要做最好最正確嘅決定，但往往現實係，當然如果做到個個決定都正確係最好，但人好難可以下下都比你贏哂估中哂，次次都開你嗰邊。因此其實事情有時唔洗話下下要贏要做啱決定，反而，比較緊要係要避免做一啲錯嘅決定。前輩語重心長同我講，有時做咗一兩個錯嘅決定，係會影響一生。我諗好多人都有身邊聽過有人喺人生可能識錯人比人話例如夾錢做生意比人呃哂啲錢，或者自己 All In 睇錯市，投資失利輸哂錢（小嘅 reversible 事少，但如果係大數係可以影響哂後半生人），甚至可能借錢去賭然後妻離子散..... etc. 我諗依啲事情大大小小大家都有經歷過或身邊有朋友經歷過，係好正常。有好多依啲情況其實係喺我哋身邊發生，而嗰啲做咗我哋 by hindsight 覺得係蠢係錯嘅決定嘅人，唔好忘記，佢哋都係普通人而佢哋都絕對係唔想咁樣出問題，因為做錯決定嗰刻，唔好忘記佢都係覺得係正確決定嚟，just like anyone of us. 而往往依個世界係做錯決定嘅人係多數，做啱決定嘅人係細數，因為做一個正確決定係痛苦的，而做錯嘅決定往往。
我喺度想講亦都必須講係我係亦都一樣，我都係同樣都係一個蠢豬豬嘅人，我都會做錯決定，因此我寫嚟都係想提醒自己，因為做錯決定往往係最易。要需要有小心，盡量做正確決定嘅心，但亦要明白未必次次做啱決定。盡可能諗埋後路會點樣走。如果喺幾個合適嘅時機，做啱幾個正確嘅決定，係會令人生易行好多。例如可能好多人係嘅揀啱份工，跟啱老闆，你幫到佢手時，佢亦會用返相應嘅報酬去幫返到你，係比起如果你喺出面浮浮沉沉好多年會慳好多時間同人生會行得好好多。或者另一樣，早前我記得我有一星期寫過關於枕邊人嘅事，你嘅男女朋友老公老婆係對你好緊要，好嘅好幫到你手，恩愛幸福每一天，唔好嘅係，有一啲夫妻每晚返到去都唔想見到對方，但可能因為某啲原因佢哋唔可以離婚，每一日都係會過得好痛苦。兩人喺同一屋簷下，但日日都係折磨。
有啲嘢係生活中係改變唔到的，或者話係解決唔到的，但亦有好多決定係有得有機會可以改可以，而透過做幾個好決定，人生係會行出一條好唔同嘅路。我好記得我爸爸曾同我喺中學時講過，當時我唔明白但依家明白，我記得類似係我覺得讀書咁辛苦為咩，佢講咗一個理論，實際用字我唔記得但大意係有時人生喺某一啲 Critical Moment 去努力一段短時間，之後幾十年係行得舒服啲，例如一個例子係中學公開試前幾年。嗰陣嘅努力係會帶咗你行一條唔同嘅路遇到唔同嘅人有不一樣嘅人生。依家我知道有時可能機會未必再係單靠讀書，即使我自己亦其實讀完港大嘅 Law 之後，考埋 PCLL 試，有埋 Training Contract Offer 簽埋，但亦非真係最後做返，好可能有啲人覺得我並沒有實踐咗依個理論，但我係絕對係覺得依個理論係正確的。即使我最後揀咗另一條唔係好主流嘅路，但當時嘅努力係比咗我多咗更多嘅 Options 同埋係比我裝備好自己成為今日嘅我。我覺得有好多技巧同埋眼界，係當日嘅努力令我睇到我本來睇唔到嘅嘢的。唔好講咩，單純學好英文已經令我可以睇到多啲外國資訊，如果我當日沒有好好讀書，依個係唔可能做到的。
#209 重整過後，再試進入主流、嚟緊嘅產品（07/06/2026）