#053 週記一年、做 prototype（04/06/2023）

歡迎大家嚟到閱讀本週週記！又來到一星期嘅最後，一齊來講返上星期嘅工作摘要。

上星期主要喺度做緊一個今年年底推出嘅產品 sampling，早前幾個月不斷喺度講嘅 Re Quilt 2 已經進入生產階段，所有測試、配件、物料、包裝、說明書已經齊備，月內必然推出，介紹網頁我已經寫到七七八八，到時再和大家詳談。Re Quilt 2 係揭開Re Pillow Co. 下一頁嘅第一個產品。The first product of the next stage for Re Pillow Co.

今個星期為另一件應該年底推出嘅產品做準備，呢件產品其實已搞咗好耐，今個星期我成日緊記 Re Quilt 2 唔夠早開始嘅教訓，不斷modify同做 prototype，五日做咗五個測試品，一日由朝到晚做到一個，由星期一嘅唔太理想，去到星期五係接近可推出 level。而離開公司之後，夜晚我就做啲用電腦自己整都整到嘅嘢 eg 寫嘢、包裝設計等。

我相信喺我身邊啲同事，今個星期見我咁迫都會覺得有啲壓力，實在辛苦了。但希望咁樣可以加快所有事情，可令 Re Pillow Co. 成長更快，做得更好，大家加油。

亦祝睇緊週記嘅你，生活過得安好，身體健康，平安幸福。