#081 RQW2、門市購物袋、睇開啲（17/12/2023）

圖：今次 Re Quilt Winter 2 嘅 Cover 圖，其實諗咗好耐點整，最後用咗呢個好似「飛粒子彈」設計。

歡迎來到本週週記！又由我同大家講下今個星期嘅最新更新。

RQW2

第一件事，我哋嘅冬天厚被（Re Quilt Winter 2，內部稱為 RQW2）終於推出。一如所料，12月中終於開始天氣轉涼。因此今個星期五，我哋就正式推出呢張冬天厚被。佢係我哋上一代嘅冬天厚被嘅升級版。設計嘅核心都係做到簡簡單單，一張被解決冬天買被的困難，完美地為香港氣候設計適合香港嘅冬天使用，但係亦都唔會太厚太焗，令到一年只能夠用到幾日嘅冬天被。

今次推出了呢張厚被，佢同時可以同我哋其餘嘅被都可以加厚，並且同樣都係可以放在洗衣機機洗，咁就更方便！現時我哋所有嘅被（Re Quilt 2, Re Fleece, Re Quilt Winter 2）都能夠支援同一套加厚系統，並且可以機洗了，咁樣令我感覺好舒服，因為以前有啲被又洗得有啲又唔得，令我感覺好唔舒服。因為物料各有特質，要做到所有被都洗得需要將沿途問題逐個解決，但做到之後感覺好好，客人亦都易明白，算是了結一件心事吧。

門市購物袋

今個星期後期亦都新增咗門市購物袋，就係早兩個星期講，有30個香港圖案嗰一款。喺我執筆之前，都已經有客人買咗一個呢款門市購物袋，咁就多謝支持喇，從定價 $20 或許都知，呢個袋不為賺錢，大家喜歡就好。

睇開啲

最近喺度學習點樣可以睇開一啲。從商難免會遇到起起跌跌，其實不如講，人生都總會遇到起起跌跌：比老闆大罵一場，再被人炒、自己積蓄打算買樓和老婆可以組織一個小康之家，但遇到經濟週期層樓跌咗一半，再加加息供樓負擔更重...... 如此種種，人生其實確實可以有好多上落波折。大家生活都有自己嘅困難，因此若然遇到錯折或者不如意嘅事，或許亦要學習睇開啲。