#135 整體環境與小展望（05/01/2025）

仲記得喺 2022 年中尾時，當時社會有一句說話，叫「零售寒冬」 。我先返轉頭少少，喺嗰期，大約 22 年尾時，香港樓市第一次都大幅度地跌落去 ，然後開始網上輿論和傳媒開始講話經濟唔好開始話零售寒冬，舖頭開始執笠做嗰唔住，然後開始有人影街舖嘅丟空，結業潮開始…… 整個市場充滿悲觀情緒。然後繼續落去 2023 年年初通關，全年其中一個好大嘅 topic 就係飲食業同埋零售業經營困難 。但係咁樣講吓講吓，原來已經兩年。

傳媒和輿論未必再討論，但環境嘅唔好，其實一環扣一環，連帶各行各業都有影響，甚至就業都會有影響。作為一個普通人，當然我講嘅說話唔會對政策同環境有影響，而我只可做嘅係做好自己嘅產品、設計、生產、管理營運嘅份內事 。其他事我亦都明白唔係咁簡單，留返比更叻嘅人去思考同解決，只望香港地，大家人人可以生活安康愉快，一齊拼搏一齊贏 。

最近工作上，有不同好煩心嘅事同步進行，前路有啲茫茫但應承大家我係會努力應對 。我感覺到自己有啲唔係好思考清醒 。是故寫唔到好多，比啲時間我逐樣問題解決，之後再同大家詳談 。