#196 我最大的 Project（08/03/2026）

曾經喺過去聽過/睇書睇過唔止一次話從來一個人嘅工作去到最終形態嗰個最後出嚟最勁嘅產品唔係佢做嘅產品/服務本身，而係佢建立嘅整套系統成間公司先係產品。（the product is not the product, but the company itself） — 具體係邊本書？同埋個字眼係點樣我已經唔係好記得，但係我對於呢句句子好有印象。

我開頭嘅時候覺得唔係太相信，或者話唔係好明白，因為可能大家都知道本身我係從做產品開始做起，我相信一直都係做好個產品，你嘅產品就會替你說話。同埋係永遠係最重要係產品，雖然依點我依然都覺得仍然係，但係我開始慢慢明白呢句說話背後嘅原因。係當你做好咗你嘅產品之後，依個基本，如何去建立整個系統去令到你呢件產品可以做到長期質素嘅控制、款式嘅多元、能夠慢慢越做越高性價比、令到更加多人用到......其實呢啲所有嘢都係非常重要，其實亦甚至佢嘅重要程度同做好產品一樣咁重要，因為假設你能夠成功可以做得好一件產品，但是可能你無辦法能夠keep住做到100件100件都咁好，品質經常有問題，或者你公司同事售貨員態度唔好，或者中間常常出錯出問題，咁其實整件事你只係一個藝術家，而並不是一個真係幫助緊個社會進步嘅人。

我喺過去一兩年曾經有迷失，亦有擔心，亦有唔識唔知道點做，覺得行落去非常之困難，唔知點樣做嘅時候。我諗大家睇我之前寫嘅個星期嘅周記，或者都feel到。但我最近開始好似自從上年年底同Jason和另一位朋友一齊去上海，好似搵返到自己做產品嘅初心同埋未來嘅路向，亦都我最近開始做緊嘅最大嘅project，就係將整件公司重整，呢個唔係只係講講吓嘅嘢，而係我真係開始咗設計咗一啲系統，我覺得都係市場上或者可能真係首次做咁樣嘅方法。雖然亦都坦白講冇人知道之後會點，不過盡力做。