寫週記此刻係 20/8 星期四，剛剛新底框公佈後兩日，關於新底框的種種，應該大家在網上都睇到了，在此我唔重複，但以下都 Attach 返條 Video 先：
新嘅 Base 喺各方面都有改良，尤其我諗喺 安裝易啲，喺安得更緊，喺防水層上，真係改進最大，其實依個係為了如果想新床單可以繼續長遠落去，我覺得是必要的，亦都，今次底框 Update，我相信係解決了新床單如何去安底框最大依個問題。亦都先講一講我都覺得自己做咗幾年喺處理 Product Launch 上，係有所改進咗嘅，至少依家喺控制時間上好咗，唔會喺臨推出前一晚係忙到癲又搞到深夜。有咗經驗係好咗。
我有時都會覺得真係好攰，但我諗做嘢就係咁？因為好似做完一樣嘢就會有另一樣嘢跟上嚟要做，無咩點停同唞嘅餘地，我唔知道依個係做自己創業嘅問題？定我喺分配工作比人嘅控制做得唔好嘅問題？定係係其實所有工作都係咁？但好似成日都無得休息，大部分日子放工返到屋企都要處理工作。又無咩嗰啲咩好似睇人地做老闆會周圍飛去咩咩 Conference，International Buisnessman 咁款，又無咩好好嘅 holiday，反而就好多「解決問題」、「解決問題」。我記得之前應該係 2022、2023 年左右，我有段時間可以放工夜晚 7點到10點瞓之前啲時間係自己的。但無啦，依家都無咗。真係「幾廿歲人唔好咁多幻想」...... 唔洗做咩...... 所以我有時都唔明，係我問題定點但好似睇其仔人，其他「老闆」，好似生活好我好多每日開下會聽下滙報又一日，我日日都好 hands on 落手解決問題，我諗是因為我嘅生意太細未夠規模吧。不過好多謝係慶幸客人支持，同埋啲客覺得好用又會鼓勵我，我依個咁嘅蠢豬豬又於是就繼續埋頭努力。
不過當然你問我是否又覺得無咩希望我又覺得唔係嘅，工作有上有落，時有失落時有攰時有睇唔到前面㗎啦，但去到咁上下就會慢慢會好。以前我見啲人話攰要唞下，「見攰就唞」、休息係為行更遠的路依啲說話我總係覺得你比藉口自己，要做就要做唔好咁多嘢講，但可能係需要？休息之後，會唔會可以再做得好啲做好啲嘅決定，有時一個好嘅決定係可以幫你好耐好耐。大方向行啱係好重要，中間有啲小錯誤係可以解決同包容到的，如果個大方向係啱。其實都有頗多客人曾經提過我要休息（先插一句要多謝大家的），但我一直我諗我雖禮貌謝謝後，自己內心不是太聽，因為我覺得好似唔係依刻。但我諗自從睇咗上星期週記提過嗰本 Poor Charlie 之後，有啲改變，未必真係不斷做就會得，方向方法正確都好緊要。拿，依個不代表不努力，因為不努力就更加咩都無，但努力之餘都要方法方向正確。用多十分鐘去諗清件事再做好過咩都唔諗衝去做然後錯，再要返轉頭更正。
#219 Poor Charlie's Almanack（16/08/2026）