Re Pillow Co. Weekly Journal

如何拿捏同事的表現以及管理是一個好問題。或者有留意開我寫嘅週記嘅朋友都知道，我為有一個興趣係留意唔同公司嘅一啲做法，因為研究其他人，不論係成功或者失敗都會學到嘢，我覺得人之所以能夠快速進步，其中一個方向係減少去行別人行過嘅冤枉路，盡量可以企喺人哋嘅經驗之上，基於人哋經驗然之後再喺嗰個基礎之上做決定。但講下我發現了一件事係一個有趣現象係一啲公司如果個顧客體驗好嘅，多數佢哋喺網上都會比員工不滿，會鬧到佢間公司管理狗血林頭，話入去做又如何慘到點點點，然後再係又人工唔高咁，不論係香港公司，還是外國公司都係咁，例子 UNIQLO、壽司郎、美心 etc，例子都多。但相反，如果啲同事覺得老闆好人嘅，或老闆出名係好人嘅，亦不乏會見到客會覺得佢哋啲同事表現參差，或覺次次體驗好唔同，水平飄忽。呢個情況其實都容易理解，公司啲規矩捉得緊，同事就會覺得點解要揸到咁緊嚟做，一啲通融都冇，我做錯事幾次啫，你就要咁落力狠心鬧我，炒咗我又或者掉我去第二度，你覺得你公司好好咩！XXXYYY。相反公司如果捉得比較鬆嘅話，依靠同事嘅自覺能力，就要好睇本身同事嘅水平，如果佢哋全部都精神亦都識做人，就當然係大家開心，但如果較為偷懶各樣，或者樣樣嘢「走精面」，顧客嘅體驗就唔好做，出嚟嘅嘢都唔好。當然世事無絕對，亦都有好多確實係真的做得唔好嘅公司，佢絕對不是顧客體驗好，而是顧客和員工體驗都不好。亦都當然亦都有一啲公司係顧客體驗好，員工體驗都唔太差。 今個星期遇到一啲事情係關於以上嘅，但由於我有啲同事都會睇呢度嘅周記，所以唔適宜寫得太白，但某程度上我都諗究竟如何去拿捏同事嘅表現同埋管理嘅程度，其實係最想做當然係大家開心，自己醒目精神，點一點就明，開頭跟其他同事多啲了解，亦都比啲時間人摸索老細做事的方針，以及知道要求去到邊度，自己識得配合，咁就最好。呢個磨合時期過咗之後就希望自己識明事理，如果常常要人提，就無意思㗎喇 。如果更壞情況係收到客嘅投訴，指明係你有問題，仲要唔止一次，又或者老細講多幾次都仲仍有問題，咁其實係好難做 。我唔知其他公司做法，但如果喺我情況，其實最常就各同事大家返工開心，亦需做事係以將心比心，以真理同事實為依據，唔會因為怕鑊而講大話、一就一二就二，有做唔好就認，做唔到就話做唔到 。有問題就勇敢提出，大家都以做好事情為目標 。 我是幸運的因為遇到其實大部分同事都係好好，雖當然依幾年一定有，不同同事有自己各樣不同的問題，但整體嚟講都係好嘅 。