一年前我曾經喺差唔多依個時間，大約3/4月到，睇緊一本叫 crossing the chasm 嘅書，當時我亦覺得，我喺依一個階段，2025 最大嘅課題將會係面向進入主流，因為 2024 可以話係一個轉捩點，「Re Pillow 3 + Pro Add-On」 組合成功解決好多人嘅枕頭問題，開始有啲啲人識，而新床單亦都開始有多啲人開始試，所以當時我諗，如果 2024 係 acquire 咗 Re Pillow Co. 最 core 嘅一班核心客人後，2025 我想可以步入主流，我信所有野你自吹自擂又好或者真係勁又好，如果即使更厲害嘅設計如果唔可以將佢吸引到主流大眾用，或者話好正好正不過得好少人用，咁樣對社會嘅實際推動係有限 。如同我上星期週記提過，我認為去開創生意嘅唯一目的係去為社會為世界帶來一啲嘢去改善生活。改善他人生活我覺得係工作嘅核心，不論係做咩都係。
然後 2025 過去，2026 都 Q1 已經過咗一半，我仲係仍然浮沉於市場上，我有時都覺得如此我是算是甚麼呢 --- 我可以為社會作出到啲咩貢獻比到啲咩價值個世界，依個係最重要嘅。人生在世日子唔多，我本身不求富貴，最重要可以貢獻到自己我覺得係最重要。
最近同一啲大公司合作（我們有同好多大公司合作的），亦發現了其實大公司雖然我常常我景仰好想可以自己公司大啲有多啲資源就好，但亦不是我想象中咁好，會有獨有嘅大公司問題，好多時喺我角度睇係佢哋會「空轉」，即，有時喺我小公司我哋做一個決定就會實行，但喺大公司佢哋係會需要開幾多會，再不同人可能有不同意見，到到落實了執行時可能亦有不同人內部都有唔同諗法有會有分歧同阻力，以致件事未必係實行到好順利於是又要返去大家再傾傾了解，就會好似架車個四輪動力凌空咗咁，喺空中空轉，而唔係貼地去直接行。當然咁樣有佢穩陣嘅好處，不同人不同意見充份考慮哂先行，但亦有可能會慢咗，而依樣事情喺公司一有一定規模係事必會出現。
所以細有細問題，大有大問題。
另外我哋亦有一啲自己內部長期斷貨問題，係確實需要解決。以往我哋款少，尚且可以 keep 得比較好，現在款多了而且門市亦多了，係要 keep 到各樣長期在各門市有貨係越見困難，雖然係已經用咗一啲自動化嘅方法去做，已比大半年前大有進步但仲係未夠，仍因為我哋款多尺寸多，貨去keep到好嘅貨量仍好困難。但繼續做落去是必須要解決的，還有我時常在想點樣去再進一步其實好多細節位各樣要再解決，例如行政管理。因為依類問題甚多而我唔識處理，幾年前我曾經諗過不如請一個 professional CEO 返嚟，可能佢係 e.g. 以前 GAP/ Adidas/雅蘭 嘅香港GM，我將整個 Re Pillow 交比佢去管理，咁我就可以從旁去了解如何去管理，去學，亦我希望佢係會管理得比我管理好，可以將 Re Pillow Co. 發展得好。由於我本身不是想發達的人，因此我知道依啲專業 CEO 是會需要重金禮聘，咁我都不介意的因為我不會同佢爭錢，最主要係佢真係要做得好，對成件事發展好，咁係最重要。依件事喺過去幾年有點放低咗，最近再諗返會否是時候呢，因為我好似真的越來越喺管理上覺得有困難。還是我應該係去自己一路做一路學去自己搞掂佢呢 - 會唔會我去請 professional CEO 係迴避問題而係錯過依個學習機會？定係係聰明決定因為我可以比佢先管理，我再後學習？
好多問題，我自己暫時解決唔到。先努力。
#193 進入主流的困難、新年前和朋友見面（15/02/2025）