細個大約 2000年代時，我記得有次睇到關於全球暖化、垃圾越嚟越多嘅問題時，我當時應該十歲左右？年輕嘅我睇到依啲新聞當然好擔心，爸爸曾同我講一樣嘢，令我到依家都記得 。爸爸話佢嗰個年代新聞成日睇到關於核戰危機嘅事，當時都係好似天跌落嚟咁，但最後都係解決得到，因此佢話我哋依家睇到嘅環保問題，之後亦會解決到的。爸爸解釋，每一個年代都有佢哋會面對嘅大問題大議題，但每一個年代都係咁樣走過經過 。
故事講到依度 。執筆之時係 2026 年 11 月，我哋正在去緊一個有啲人話係 AI / Automation / end of jobs 嘅年代。依個改變當然係大亦係去到依刻，2026 年 11 月，暫時對絕大部份人嘅 day to day 返工放工係無大影響，但好多人都預計未來可能會有更多工種被取代而以致我哋需要嘅人要做嘅工作可能會少咗，依個去到之後咁錢從何來又係另一問題 。將會可預見嚟緊好多人會用「AI」依個名銜去搵錢，也當然會用嚟呃人。將來亦會有好多真真假假似是而非嘅事會發生，但同樣 AI 出現亦可解決好多以前要用人才解決嘅問題，如果行得好，亦或者令人活得更幸福 。喺我工作上，喺如此資源緊拙下，當然係有所幫助，亦因近嚟一位同事近身協助我日常工作嘅同事因身體問題請辭，係如果無依上半年做嘅系統化同system building / automation building / 制度建立，其實應該頂唔住依一個突然衝擊，而依個衝擊亦令我逼於加快準備好為未來公司要再轉營去更有系統化、專業化去做，係真係咁樣逼咗出嚟 。
同時出現嘅係香港消費同飲食業嘅改變，飲食非我嘅行業唔講但零售行業係，主流睇法係實體零售喺香港除非係好basic嘅剛需，否則online就掂，但我覺得依個睇法或有啲未夠深入，首先依個睇法係partially correct 嘅，online係replace咗好多零售需求，零售嘅做法係改變咗做法但我覺得如果話不用存在就應該有啲啲武斷，但做法可能係唔同之前嘅人嘅做法。依個方面我有一啲諗法，但需要時間去試同印證。但首先必定係要先做好自己。
#229 商場上的「分手」（下）（25/10/2026）