#231 獨立自主的好處、規模大的好處（08/11/2026）

曾經有一段長時間，我都頗為羨慕一些大公司可以有大的規模，有更多資源去做產品，並且可以當大資源大規模投入下，每一件產品都可以成本較低，從而讓到客人用更好的價錢買到更好產品。當然他們會不會這樣做是另一回事，確實很多公司做大了之後，漸漸追逐利潤而忘記了初心（又或者本身他們開始的原因就是為利而來），但我覺得事情是源於利一個字的話，其實是很沒有意思很沉悶的，因為撫心自問，我覺得人生既然如此短的話，其實大家都有自己的家人和自己重視的親人關係，工作既然已經佔據我們人生的一段長時間，我們應該將工作的精神去做一些對於社會有貢獻，並且真的能夠幫助其他人的事情，大家互相成就，各人專注自己的長處，這樣這個世界才會變得更好，而大家亦都可以更加花時間和自己愛的人做愛的事（不是講笑食字），其實這樣世界才會更加好的。大概因為我本身出於一個普通的背景，亦都雖然說是有家族生意是做床品數十年，但一直可以說是比較浮浮沉沉，不是做得太好，經營有很多困難，因此很多事情需要自己由頭搭建，這有時候會讓我在過去幾年，很羨慕其他的大公司。沒有錢沒有人脈，只有團火和傻更更的心。

因此喺當有機會可以規模大啲，我係好想大啲，但大啲嘅後果可能係無咗獨立自主，依個係我沒有諗到嘅，其實唔好話，即使係開頭到而家依幾年來，以前我以為自己創業就代表可以能夠自己決定各方面事情，後來先發現，原來好多事自己不是一個人，出嚟社會係要與人合作，無嘢比到你話哂事…… 如果你更想規模大啲，越大就越係難話事，更不能獨立自主。有好多嘢當然，規模大有規模大嘅好處，例如影響力可以大啲，產品可以reach多啲人，又或者可以用到相同價錢做到更好嘅產品，唔好話，只係講例如 SAA 慈善床品系列，捐到嘅錢都可以多啲啦，可以幫到更多貓狗。但同樣，獨立自主細嘅好處係我可控制到嘅多啲，有時我唔想慢慢有啲嘢會做做下無咗，例如我每星期依家寫週記嘅時間，我好珍惜，我好想繼續都可以寫落去，one to one，我寫比你嘅一週一篇。如果規模大咗，好多嘢唔講得，我寫嚟其實如果不是可以寫到心裏話，係假嘅，係無意思。所以我珍惜。我想睇到自己咁樣做法，我想睇可以去到幾遠。