#154 「林善」、行出自己嘅路（18/05/2025）

「林善」

曾經有不下一位前輩同我講，你要學識點樣唔好咁「林善」，你要明白，依個世界唔係你善良世界就會對你好 。反而，更多人會因為你嘅「林善」去欺負你

我知道依個前輩係為我好而咁講的 。

不過關於我是否太「林善」，有時有好多事，其實我見到但唔出聲，並唔代表我見唔到 。有啲人做事做人嘅方法有問題，我見到自己放喺心上，不說穿係大智慧 。因此有時候其他人問我點睇，接連追問，但唔正面回答其實已經係回答咗我嘅睇法 。有時有啲事情，自己知道但不說穿，係想留返顏面比對方好落台，要人出聲就好核突㗎喇，成年人，應該自己明白 。

行出自己嘅路

我唔知有邊個會睇到依度，但我想喺度講如果你亦係一名年輕人，希望想自己試吓創出自己嘅事業，「能夠開放自己嘅心去聽前輩嘅意見但同時消化過後行出自己嘅路」真係重要 。而依樣事情係絕對唔易，而且你會面臨好多人會叫你行 X 行 Y … 不同方案，而未必係你本身想行嘅路，而佢哋係可能睇落甚至係真係好心嘅 。要開放自己嘅心去試吓換位思考，但去到最後，如果你覺得想試吓自己行嘅嗰個方法唔好太受人影響，就行出自己嘅路 。唔好覺得之前嘅人一直行緊第二條路你都要跟住，只要你細心曾經反覆思考，衡量過風險可以試吓，就去做自己想做嘅事 。